Ուկրաինական ճգնաժամը խթանում է Եվրոպայում ամերիկյան զենքի պահանջարկի վերսկսմանը

Եվրոպական կառավարությունները դիմել են ԱՄՆ-ին եւ պաշտպանական կապալառուներին՝ զենքի գնման ցուցակով, ներառյալ՝ անօդաչու սարքեր, հրթիռներ եւ հակահրթիռային պաշտպանության միջոցներ, քանի որ ուկրաինական ճգնաժամը խթանում է ամերիկյան զենքի պահանջարկի վերսկսմանը, գրում է Reuters-ը։

Գերմանիան, որը մոտ է 35 Lockheed Martin Corp F-35 կործանիչների մատակարարման գործարքին, տեղեկություն է խնդրել բալիստիկ հրթիռների պաշտպանության համակարգերի մասին, հայտնել են իրավիճակին ծանոթ աղբյուրները։

Մինչդեռ Լեհաստանը շտապ կարգով ցանկանում է գնել ժամանակակից Reaper անօդաչու համակարգեր ԱՄՆ-ից։ Այս մասին ասել է Լեհաստանի կառավարության ներկայացուցիչը։

Դիմումներ են ստացվում նաեւ Արեւելյան Եվրոպայի այլ երկրներից, որտեղ դաշնակիցները ձգտում են զենքեր ձեռք բերել, որոնք Ուկրաինան հաջողությամբ օգտագործել է ռուսական ուժերի դեմ, ներառյալ՝ Stinger զենիթային հրթիռներ եւ Javelin հակատանկային հրթիռներ։

Եվրոպական դաշնակիցները «կրկնապատկում են» իրենց պաշտպանական ծախսերը, ասել է ԱՄՆ պաշտպանության նախարարի օգնական Մարա Քարլինը անցյալ շաբաթ Կոնգրեսի լսումներից հետո, որտեղ նա խոսել է «ռուսական ագրեսիայի մասին, որը սպառնում է Եվրոպայի տարածքային ամբողջականությանը»։

«ԱՄՆ-ի պաշտպանության եւ անվտանգության համագործակցության գրասենյակը ամենշաբաթյա հանդիպումներ է անցկացնում ճգնաժամային կառավարման եվրոպական թիմի հետ՝ Ուկրաինայի ներկայիս իրավիճակի հետ կապված կոնկրետ հարցումները լուծելու համար», - ասել է աղբյուրը:

ԱՄՆ-ի պաշտպանական կապալառուների կողմից արտադրված զենքի վաճառքի եւ փոխանցման վերաբերյալ ԱՄՆ կառավարության հաստատումն արագացնելու նպատակով Պենտագոնը վերստեղծել է թիմ, որն արձագանքում է աճող պահանջարկին:

«Պաշտպանության նախարարությունը դիտարկում է Ուկրաինայի կարիքներին աջակցելու, ԱՄՆ-ի պաշարներն արագ համալրելու եւ դաշնակիցների ու գործընկերների սպառված պաշարները համալրելու տարբերակները»,- ասել է ՊՆ բարձրաստիճան պաշտոնյան՝ հավելելով, որ Պենտագոնն աշխատում է կապալառուների հետ «մատակարարումը մեղմելու» ուղիների ուղղությամբ։

Raytheon Technologies-ը եւ Lockheed Martin Corp-ը համատեղ արտադրում են Javelins-ը, իսկ Raytheon-ը՝ Stinger-ը: Փետրվարի 24-ին ուկրաինական ճգնաժամի սկզբից ի վեր բոլոր տեսակի զենքերի վաճառքի աճի հնարավորությունը բարձրացրել է Lockheed-ի բաժնետոմսերը 8,3 տոկոսով, իսկ Raytheon-ի բաժնետոմսերը՝ 3,9 տոկոսով։

Raytheon-ի գործադիր տնօրեն Թոմ Լալիբերթին ասել է, որ ընկերությունը գիտակցում է «Javelins-ի եւ Stingers-ի համալրման հրատապ անհրաժեշտությունը»:

Dassault Aviation-ի ղեկավարն այս ամսվա սկզբին քննադատել է Գերմանիայի որոշումը՝ F-35 պատվիրելու հետ կապված։ Նա ասել է, որ դա կարող է թուլացնել աջակցությունը համատեղ նախագծերին, ինչպիսիք են ֆրանս-գերմանական FCAS կործանիչը, որը համատեղ օգտագործում են Dassault-ը եւ Airbus-ը:

Գերմանիան նաեւ ուսումնասիրում է ամերիկյան արտադրության հակահրթիռային պաշտպանության համակարգերը, ինչպիսիք են Terminal High Altitude Air Defense-ը (THAAD)։ Ընդդիմադիր քաղաքական գործիչն, օրինակ, խնդրել է Բեռլինը պաշտպանելու համար «Երկաթե գմբեթ» կոչվող փոքր հեռահարության որսիչ հրթիռ գնելու մասին:

Որպես կանոն ԱՄՆ-ի պաշտպանական գործարքները պահանջում են երկար տարիների բանակցություններ։