Իտալական Leonardo ընկերությունը կարծում է, որ ուկրաինական ճգնաժամը կարագացնի ԵՄ պաշտպանական նախագիծը

Իտալական օդատիեզերական եւ պաշտպանական Leonardo ընկերությունը կարծում է, որ ուկրաինական ճգնաժամը կարագացնի համաեվրոպական պաշտպանական ներուժ ստեղծելու ծրագրերը, եւ ռազմական ծախսերի ավելացում է ակնկալում, գրում է Reuters-ը։

«Ես վստահ եմ, որ այս ողբերգական իրադարձությունը կբարձրացնի պաշտպանության համակարգումն ու ծախսերը (Եվրոպայում)»,- հայտարարել է Leonardo-ի գլխավոր տնօրեն Ալեսանդրո Պրոֆյումոն՝ հավելելով, որ Լեոնարդոն արդեն մասնակցել է ԵՄ մի քանի ծրագրերի, այդ թվում՝ EuroMale անօդաչու թռչող սարքի եւ Tempest ռեակտիվ կործանիչի նախագծերին: Բացի այդ, ըստ Պրոֆյումոյի, ԵՄ երկրները նաեւ պետք է ավելի շատ համագործակցեն ցամաքային պաշտպանության ոլորտում։

Անցյալ ամիս Գերմանիայի կանցլեր Օլաֆ Շոլցը հայտարարել էր 100 միլիարդ եվրոյի նոր հիմնադրամի ստեղծման մասին, որը կրկնակի շատ է զինված ուժերի արդիականացման համար անցյալ տարվա պաշտպանական տարեկան բյուջեից, ներառյալ մարտական անօդաչու թռչող սարքերի եւ նոր կործանիչների գնումը:

Իտալիան, որն այս տարի նախատեսում է 26 մլրդ եվրո ծախսել պաշտպանության վրա, նույնպես ակնկալում է ավելացնել իր ռազմական ծախսերը, անցյալ շաբաթ ասել է վարչապետ Մարիո Դրագին:

Դանիան, Լեհաստանը եւ Շվեդիան հայտարարել են, որ կավելացնեն պաշտպանական ծախսերը, երբ պատերազմն իրենց շեմին լինի:

Պետության կողմից վերահսկվող ընկերությունն ակնկալում է, որ իր դրամական հոսքը այս տարի 2021թ․ համեմատ կկրկնապատկվի եւ 500 միլիոն եվրոյի կհասնի:

Ակնկալվում է, որ դրամական միջոցների գեներացումը առաջիկա տարիներին կշարունակի աճել՝ պետական եւ պաշտպանական ձեռնարկությունների վաճառքի հաշվին, ասել է ֆինանսական տնօրեն Ալեսանդրա Ջենկոն:

Անցյալ տարի 14,1 մլրդ եվրոյի հասույթի 88 տոկոսը ստացվել է այդ գործունեությունից, մինչդեռ առեւտրային ինքնաթիռների մասերի արտադրությունը նվազել է, ինչը ստիպել է խմբին վերակազմավորել իր Aerostructures ստորաբաժանումը:

Leonardo-ի բաժնետոմսերը Միլանում ժամը 1100-ին աճել են 12 տոկոսով՝ հասնելով ավելի քան երկու տարվա առավելագույնին:

Leonardo-ն հայտարարել է, որ օդատիեզերական տեխնիկայի, պաշտպանության եւ անվտանգության շուկայի աճը առաջիկա հինգ տարիների ընթացքում միջինը մոտ 6 տոկոս կկազմի, իսկ դրա նպատակային շուկան ընդհանուր ծավալի մոտ մեկ հինգերորդն է կազմում: