Ճապոնիայում ճաքել է «մահվան առասպելական քարը», որից դուրս է եկել հնագույն դևը

Ճապոնական լեգենդի համաձայն՝ «մահվան առասպելական քարը», որը գտնվում է Ճապոնիայում, հազար տարի առաջ գերի էր վերցրել դեւին։ Լուրեր էին պտտվում, թե հրաբխային ծագում ունեցող այդ քարի մեջ, որի պաշտոնական անվանումն է Սեսյո-սեկի, գերված է առասպելական Տամոմո-Նո-Մաեն, որը հայտնի է նաեւ որպես ինը պոչանի աղվես։ Այժմ հաճախակի հորդառատ անձրեւների պատճառով ժայռը ճաքել է, ինչը մարդկանց մոլագարության է հասցրել, քանի որ նրանք անհանգստացել են, թե դեւն այժմ ազատության մեջ է, տեղեկացրել է Express պորտալը։

Սեսյո-սեկին հրաբխային ծագում ունեցող ժայռ է, որը գտնվում է Նասու լեռներում (Տոտիգի շրջան)։ Այդ շրջանը հարուստ է տաք աղբյուրներով։ Քարը համարվում է թունավոր, եւ դրան դիպչողը պետք է մահանա։ Բայց այս լեգենդը հավանաբար կապված է այն բանի հետ, որ քարի կողքին կա ծծմբաջրածնի աղբյուր, որը պարբերաբար ժայթքում է։

Ըստ լեգենդի՝ քարը կուլ է տվել չար դեւին, որը գեղեցիկ կնոջ տեսք է ունեցել։ Նա փորձել էր սպանել կայսր Տոբային, որը Ճապոնիայում կառավարել է 1107-1123թթ.։ 1957 թվականից քարի գտնվելու վայրը համարվում է տեսարժան զբոսաշրջիկների համար։

Տեղի աղբյուրների տեղեկությունների համաձայն՝ քարն իսկապես սկսել է ճաքել մեկ-երկու տարի առաջ, հավանաբար՝ քամահարման ազդեցության տակ։ Այժմ տեղի իշխանությունները փորձում են որոշել, թե ինչ անեն առասպելական քարի հետ. գուցե այն վերադարձնեն նախկին տեսքի՞ն։