Ուկրաինայում պատերազմը 41 երեխայի կյանք է խլել․ Ուկրաինայի ՄԻՊ

Ուկրաինայի տարածքում ՌԴ-ի ռազմական գործողությունների սկսվելուց ի վեր զոհվել է 41 երեխա, 76 երեխա վիրավորվել է, հայտնել Է Ուկրաինայի Գերագույն Ռադայի մարդու իրավունքների հարցերով լիազոր Լյուդմիլա Դենիսովան: Այս մասին հայտնում է Korrespondent-ը։

Նշվում է, որ Խարկովի մարզի Դերգաչի քաղաքում ռուսական բանակը գնդակոծել է Դերգաչեւյան թիվ 3 լիցեյը եւ քաղաքի բնակելի թաղամասերը:

«Առնվազն երեք զոհ եւ 15 վիրավոր, այդ թվում ՝ 4-ամյա երեխա», - նշում է օմբուդսմենը:

Բացի այդ, նրա խոսքով ՝ երեքշաբթի առավոտյան հայտնի է դարձել Դոնեցկի մարզում եւս չորս վիրավոր քաղաքացիական անձանց մասին, այդ թվում տուժել է 14-ամյա մի տղա:

«Մինչեւ հիմա հնարավոր չէ պարզել Մարիուպոլում եւ Վոլնովախում զոհվածների եւ վիրավորների թիվը։ Այդ քաղաքները մնում են շրջափակված ռուսական օկուպացիոն զորքերի կողմից», - տեղեկացնում է Ուկրաինայի օմբուդսմենը։

Խարկովում, ըստ Դենիսովայի, գրոհել են շուրջ 30 հանրակրթական դպրոցներ, 27 մանկապարտեզներ, բարձրագույն կրթության 5 և մանկական գիշերօթիկ հաստատություններ:

«Ռուսական օկուպացիոն զորքերի գործողությունները Հաագայի և Ժնևյան կոնվենցիաների ուղղակի խախտում են։ Դիմում եմ միջազգային հանրությանը և միջազգային իրավապաշտպան կազմակերպություններին ՝ խնդրելով ձեռնարկել բոլոր հնարավոր միջոցները ՝ Ռուսաստանի Դաշնության ռազմական հարձակումը դադարեցնելու համար ։ Պնդում եմ, որ ՆԱՏՕ-ի երկրները փակեք երկինքը»,- ընդգծել է օմբուդսմենը։