Երգի պետական թատրոնում տեղի կունենա «Հայկյան» 10-րդ մրցանակաբաշխությունը

Հունվարի 18-ին Երգի պետական թատրոնում տեղի կունենա Հայկյան 10-րդ մրցանակաբաշխությունը: Հայաստանի երիտասարդական հիմնադրամի կողմից սահմանված Հայկյան մրցանակներ կստանան 2012թ. երիտասարդական տարբեր ոլորտներում իրենց լավագույնս դրսևորած երիտասարդական և ուսանողական կառույցները, լավագույն երիտասարդական ծրագրերը։
Հայկյան մրցանակաբաշխության շրջանակներում սահմանված են հետևյալ 12 անվանակարգերը.

· Լավագույն ուսանողական ինքնակառավարման մարմին,
· Լավագույն երիտասարդական գիտական նվաճում,
· Երիտասարդական ոլորտին առավելագույնս աջակցած միջազգային կառույց,
· Ինքնատիպ երիտասարդական նախագիծ,
· Ռազմահայրենասիրական լավագույն նախագիծ,
· Լավագույն միջբուհական ծրագիր,
· Լավագույն երիտասարդական ՀԿ Երևանում,
· Լավագույն երիտասարդական ՀԿ մարզում,
· Լավագույն երիտասարդական միջազգային ծրագիր,
· Երիտասարդության շրջանում մշակութային արժեքները լավագույնս ներկայացրած կազմակերպություն,
· Երիտասարդության շրջանում հոգևոր դաստիարակությանն ուղղված ծրագրերի համար,
· ՀՀ-ում ուսանողական շարժման կազմավորման ակունքներում կանգնած կառույց:

Մրցանակաբաշխության նպատակն է խթանել ուսանողական ինքնակառավարման մարմինների ակտիվությունը, ուսանողական ինքնատիպ նախաձեռնությունները, գիտության ոլորտում երիտասարդների ներգրավվածությունը, միջազգային համագործակցությունը և պետական երիտասարդական քաղաքականության իրականացման այլ ոլորտներում կատարված աշխատանքները։

Այս գրառումը Ֆեյսբուքի իր էջում կատարել է Կարեն Ավագյանը: