Ճամբարակում կատարված բնակարանային գողությունը բացահայտվել է․ մեկ անձ ձերբակալվել է

Փետրվարի 22-ին ոստիկանության Ճամբարակի բաժնում հաղորդում էր ստացվել, որ քաղաքի շենքերից մեկում բնակարանային գողություն է եղել:

Ոստիկանությունից NEWS.am-ին հայտնում են, որ ըստ տուժողի ժամը 8.50-ից 13-ն ընկած ժամանակահատվածում հարմարեցված բանալիով բացել էին մուտքի դուռը, ննջասենյակի պահարանից գողացել 250 եվրո, մոտ 3500 դոլար, ոսկյա եւ արծաթյա զարդեր եւ թանկարժեք 3 ժամացույց՝ պատճառելով շուրջ 5 մլն դրամի վնաս:

Փետրվարի 24-ին ոստիկանները գողության կասկածանքով բերման են ենթարկում եւ ձերբակալում Վահան գյուղի բնակիչ 48-ամյա մի տղամարդու: Գողոնը ոստիկանությունը փնտրում է: