Ժորա Շահինյանի «Իմ երազանք» երգը համացանցի հիթ է դարձել

Մոսկվայաբնակ երգիչ ժորա Շահինյանը, ով երգարվեստում հայտնի դարձավ «Իմ սեր» երգով, որն իր հանդիսատեսին հայտնի է «Քո սերը ինձ տվեց թևեր» վերնագրով, հերթական հիթն է թողարկել։

Երգը կոչվում է «Իմ երազանք» ։ Այն մեկ շաբաթում 1 միլիոնից ավելի դիտում ունի։

Տեսահոլովակում նկարահանվել է «Միսս Հայաստան 2020» Մոնիկա Գրիգորյանը։

Գործիքավորումը Գագիկ Ատոմյանինն է, տեսահոլովակի ռեժիսորը Հայկ Ստարսլայֆն է։

Երգիչն ապրելով Մոսկվայում՝ Ռուսաստանում երկրպագուների մեծ բանակ է ձեռք բերել, սակայն դժվարանում է ասել՝ Հայաստանում, թե Ռուսաստանում են ավելի շատ նրա երկրպագուները։

Ժորան ստեղծագործական ակտիվ կյանքով է ապրում, հաճախակի պրեմիերաներով է ներկայանում, սակայն նրա խոսքով՝դեռ վաղ է մենահամերգի մասին մտածել։

Առաջիկայում տարբեր երկրներում համերգների կմասնակցի, իր լսարանին կներկայանա նաև ոճային փոփոխությամբ։

Operativ.am-ի հետ զրույցում երգիչն իր հաջողության գաղտնիքը երգի հանդեպ սերն ու աշխատասիրությունն է համարում ։

«Շնորհակալ եմ իմ լսարանին, երկրպագուներին, ում շնորհիվ իմ բոլոր երգերը միայն դրական արձագանքների է արժանանում։ «Իմ երազանք» երգը մեկ շաբաթում մեկ միլիոն դիտում ունեցավ, ինչը ինձ պարտավորեցնում և մոտիվացնում է էլ ավելի գեղեցիկ երգեր թողարկել։

Շնորհակալ եմ նաև բոլոր նրանց, ովքեր առաջին օրվանից ինձ հետ աշխատում և ամեն ինչ անում են, որպեսզի իմ ստեղծագործական ուղին հաջող ընթանա »,- ասաց Ժորա Շահինյանը։

Տեսահոլովակը՝ այստեղ: