Բողոքի ցույցեր աշխարհի տարբեր երկրներում՝ ի նշան Ուկրաինայում ծավալվող ռազմական գործողություններին դեմ լինելու

Լրատվամիջոցների փոխանցմամբ՝  աշխարհի տարբեր երկրներում, տարբեր քաղաքներում բողոքի ցույցեր են ընթացել՝ ի նշան նրա, որ մարդիկ դեմ են Ուկրաինայում ծավալվող ռազմական գործողություններին:

Այսպես՝ Թել Ավիվում Ռուսաստանի հյուպատոսության դիմաց ՌԴ քաղաքացիները երեկ այրում էին իրենց անձնագրերը։

Ստորև ներկայացված տեսանյութում երևում է, թե ինչպես է մի կին այրում իր անձնագիրը։

Տեսանյութը՝ այստեղ:

Լուսանկարները՝ այստեղ:

Նշենք նաև, որ Լեհաստանի հեռուստառադիոհեռարձակման ազգային խորհուրդն արգելել է ռուսական մի քանի հեռուստաընկերությունների, այդ թվում Russia Today-ի հեռարձակումն իր տարածքում։

Սանկտ Պետերբուրգում ևս ընթացել են բողոքի ցույցեր:

Ռիգայում Ազատության արձանը լուսավորվել է Ուկրաինայի դրոշի գույներով։

Լատվիան Չեխիայից հետո երկրորդ երկիրն է, որը դադարեցրել է Ռուսաստանի քաղաքացիներին վիզայի տրամադրումը։ Լատվիան նաև խորհրդակցությունների նպատակով Ռուսաստանից հետ է կանչել իր դեսպանին։

Համացանցում տեսանյութ է հրապարակվել, որտեղ երևում է, թե ինչպես մի աղջիկ Մոսկվայի կենտրոնում այրվող խառնուրդով շիշ է նետում։ Baza-ն պնդում է, որ 22-ամյա աղջիկը ոստիկանների ուղղությամբ «Մոլոտովի կոկտեյլ» է նետել։ Նա ձերբակալվել է։

***

Ռազմական փորձագետ։ Ռուսաստանը ձգտում է Կիևում իշխանության փոփոխության

Ռուսական գործողության նպատակը Ուկրաինայի բանակին զգալի վնաս հասցնելն ու Կիևում իշխանության փոփոխությունն է։ Այդ մասին BBC-ի հետ զրույցում հայտնել է ԱՄՆ ռազմածովային վերլուծության կենտրոնի ռուսական ծրագրերի տնօրեն Մայքլ Քոֆմանը։

«Այստեղ, Վաշինգտոնում, դա ոչ մեկին չի զարմացնում։ Համենայն դեպս ազգային անվտանգության փորձագետների շրջանում։ Մենք բոլորս գիտեինք, թե ինչ է կատարվում դեռ երեք ամիս առաջ»,- հավելել է Քոֆմանը։
Փորձագետը կարծում է, որ ռուսական բանակը կփորձի շրջափակել որքան հնարավոր է շատ ուկրաինացի զինծառայողների, որպեսզի հասնի շուտափույթ կապիտուլյացիայի։

«Հենց հիմա մենք տեսնում ենք զանգվածային թռիչքների և Ուկրաինայի ողջ տարածքում ցամաքային հարձակման. հյուսիսում Բելառուսից, մինչև հարավ՝ Ղրիմ։ Երկրի արևելքում՝ Խարկովի մոտ, ընթանում են կատաղի մարտեր։ Որոշ տեղերում ուկրաինական զորամասերն արագ նահանջել են։ Շատ մեծ քանակությամբ դեսանտ է իջեցվում, այդ թվում օդակայաններում, ընդհուպ մինչև Կիև մատույցներ»,- նշել է Քոֆմանը։

Թվիթերյան իր միկրոբլոգում նաև նաև հրապարակել է Ուկրաինայում ռուսական բանակի գործողությունների պլանը։

Նշենք, Ռուսաստանի պաշտպանության նախարարությունը փետրվարի 24-ի երեկոյան հայտնել է, որ ռուսական զինծառայողները կատարել են մարտական բոլոր առաջադրանքները, որոնք դրվել են անձնակազմի առաջ։ Ռուսական գերատեսչությունը հայտնել է, որ ռուսական ուժերը շարքից հանել են ռազմական ենթակառուցվածքների 83 օբյեկտ, խոցել երկու Су-27 ինքնաթիռ, երկու Су-24 ինքնաթիռ, մեկ ուղղաթիռ և չորս «Bayraktar TB-2» անօդաչու թռչող հարվածային ապարատ։

CNN-ի թղթակից Ֆրեդերիկ Փլեյթգենը տեսանյութ է հրապարակել Ռուսաստանի Բելգորոդի մարզից, որտեղ երևում է, թե ինչպես են դեսանտի մարտական մեքենաները, ինչպես նաև ռազմական «Ուրալ»-ները և «ԿաՄԱԶ»-ները շարժվում դեպի Ուկրաինա։

Ռուսական զորքերը դուրս են եկել Խերսոն քաղաքի մետ։ «Դա հնարավորություն է տվել ապաշրջափակել Հյուսիս-Ղրիմյան ջրանցքը և վերականգնել Ղրիմ թերակղզու ջրամատակարարումը»,- հայտարարել են նախարարությունում։