Օնիկ Գասպարյանի հայտարարության տակ ստորագրած գեներալներին ազատում են աշխատանքից. «Ժողովուրդ»

«Ժողովուրդ» թերթը գրում է. «Քաղաքական իշխանությունները շարունակում են ազատվել այն վարչության պետերից, գեներալներից, որոնք միացել էին Գլխավոր շտաբի նախկին պետ Օնիկ Գաասպարյանի հայտարարությանը՝ պահանջելով ՀՀ վարչապետի հրաժարականը: Ինչպես հայտնի է 2022 թվականի փետրվարի 18-ին Հանրապետության նախագահի լիազորությունները կատարող Ալեն Սիմոնյանի որոշմամբ և վարչապետի առաջարկությամբ Ռոմիկ Մարգարյանին ազատել էին Հայաստանի Հանրապետության զինված ուժերի թիկունքի պետվարչության պետի պաշտոնից: Եվ, ահա, մեկ տարի առաջ՝ 2021 թվականի փետրվարի 25-ին, ՀՀ զինված ուժերի գլխավոր շտաբը հանդես էր եկել հայտարարությամբ, որում ասված էր.

«ՀՀ վարչապետը և կառավարությունն այլևս ի վիճակի չեն ընդունելու ադեկվատ որոշումներ՝ հայ ժողովրդի համար այս ճգնաժամային և ճակատագրական իրավիճակում: ՀՀ զինված ուժերը երկար ժամանակ համբերատար կերպով հանդուրժում էր գործող իշխանության կողմից զինված ուժերը վարկաբեկելուն ուղղված «գրոհները», սակայն ամեն ինչ ունի իր սահմանները: ՀՀ զինված ուժերը պատվով է կատարել իր պարտքը, իր ժողովրդի հետ ուս ուսի մարտնչել թշնամու դեմ: Գործող իշխանությունների անարդյունավետ կառավարումը և արտաքին քաղաքականությունում ցուցաբերած լրջագույն սխալները երկիրը հասցրել են կործանմանՍեզրին: Ստեղծված իրավիճակով պայմանավորվ ած՝ ՀՀ զինված ուժերը պահանջում են ՀՀ վարչապետի և կառավարության հրաժարականը, միաժամանակ նախազգուշացնում ձեռնպահ մնալ ժողովրդի դեմ ուժ կիրառելուց, ում զավակները զոհվել են՝ պաշտպանելով հայրենիքն ու Արցախը: Բանակը միշտ եղել է ժողովրդի հետ, ինչպես ժողովուրդն է բանակի հետ»:

Հայտարարությունը ստորագրել էին մի շարք ՊՆ պաշտոնյաներ, որոնց մեջ էր եղել նաև ՀՀ ԶՈւ թիկունքի պետ-վարչության պետ, գեներալ-մայոր Ռոմիկ Մարգարյանը»։

Առավել մանրամասն՝ թերթի այսօրվա համարում: