Մինչև 2026թ․ մարդկանց 25%-ը օրական առնվազն մեկ ժամ մետատիեզերքում կանցկացնի

Ըստ Gartner-ի տվյալների՝ 2026թ․ մարդկանց 25%-ը օրական առնվազն մեկ ժամ մետատիեզերքում կանցկացնի՝ աշխատելու, գնումների, կրթության, հաղորդակցության եւ զվարճանքների համար, գրում է HighTech+-ը:

Gartner-ն ակնկալում է, որ վիրտուալ տնտեսությունը թվային արժույթներով եւ միմյանց փոխարինող թոքեններով (NFT) կպահպանվի: Մետատիեզերքը, վստահ են վերլուծաբանները, կազդի բոլոր այն բիզնեսների վրա, որոնց հետ այսօր սպառողները շփվում են: Մինչեւ 2026թ․ աշխարհի կազմակերպությունների 30 տոկոսը կունենա ապրանքներ եւ ծառայություններ, որոնք հասանելի կլինեն մետատիեզերքում:

«Մատակարարներն արդեն ստեղծում են միջոցներ, որոնք թույլ են տալիս օգտատերերին իրենց կյանքը թվային աշխարհներ տեղափոխել»,- ասել է Gartner-ի հետազոտությունների գծով փոխնախագահ Մարտի Ռեզնիկը: «Վիրտուալ դասասենյակներ հաճախելուց մինչեւ թվային հող գնելը եւ վիրտուալ տներ կառուցելը, այս բոլոր գործողությունները ներկայումս տեղի են ունենում տարբեր միջավայրերում: Ի վերջո, դրանք տեղի կունենան մեկ միջավայրում՝ մետատիեզերքում, որտեղ հնարավոր կլինի լուծել ցանկացած խնդիր»։

Gartner-ը մետատիեզերքը սահմանում է որպես համատեղ օգտագործվող վիրտուալ տարածություն, որը ստեղծվել է վիրտուալ ընդլայնված ֆիզիկական եւ թվային իրականության միավորմամբ: Այս տարածքը մշտական կլինի, կապահովի ընկղման ընդլայնված հնարավորություններ, ինչպես նաեւ հասանելի կլինի սարքից անկախ եւ ցանկացած տեսակի սարքի միջոցով՝ պլանշետներից մինչեւ VR ականջակալներ եւ AR ակնոցներ:

Քանի որ ոչ մի մատակարար չի տիրանա մետատիեզերքին, Gartner-ն ակնկալում է, որ վիրտուալ տնտեսությունը կաջակցվի թվային արժույթներով եւ փոխադարձաբար փոխարինվող թոքեններով (NFT): Մետատիեզերքը կազդի յուրաքանչյուր բիզնեսի վրա, որի հետ սպառողները գործակցում են այսօր:

Մետատիեզերքը կազդի նաեւ աշխատանքի կատարման վրա: Ձեռնարկությունները կապահովեն լավագույն փոխգործակցություն, համագործակցություն եւ կապ իրենց աշխատակիցների հետ վիրտուալ գրասենյակներում աշխատանքային տարածքների միջոցով: Ձեռնարկությունները իրենց սեփական ենթակառուցվածքը կառուցելու կարիք չեն ունենա, քանի որ մետատիեզեքը կապահովի հիմքը: Բացի այդ, վիրտուալ իրադարձությունները, որոնք լայն տարածում են գտել վերջին 18 ամիսների ընթացքում, ավելի շատ համատեղ եւ հետաքրքիր ցանցային հնարավորություններ եւ սեմինարներ կառաջարկեն:

Մետատիեզերքի տեխնոլոգիաների ներդրումը սաղմնային փուլում է ու հատվածական է, եւ Gartner-ը կազմակերպություններին զգուշացնում է, որ որոշակի մետատիեզերքում մեծ ներդրումներ չանեն: «Դեռեւս շատ վաղ է ասել, թե որ ներդրումները կենսունակ կլինեն երկարաժամկետ հեռանկարում, բայց արտադրանքի մենեջերները պետք է ժամանակ ծախսեն մետատիեզերքին սովորելու եւ պատրաստ լինելու համար, որպեսզի մրցունակ դիրք ունենան»,- ասել է Ռեզնիկը: