17 Փետրվար, 2022 18:22

Կառավարությունը հաստատեց բուժաշխատողի մասնագիտական էթիկայի կանոնները. «Ծառայությունների որակը կփոխվի»

17 Փետրվար, 2022 18:22 Հասարակություն

Կառավարությունն իր այսօրվա՝ փետրվարի 17-ի նիստում հաստատեց Բուժաշխատողի մասնագիտական էթիկայի կանոնները:

Որոշման հիմնավորման մեջ նշվում է. «Ներկայումս Հայաստանում բացակայում են բուժաշխատողների մասնագիտական էթիկայի կանոնները, ինչը մեծապես ազդում է պացիենտներին մատուցվող բժշկական օգնության և սպասարկման որակի վրա, հետևաբար նաև առողջապահական համակարգի գործունեության արդյունավետության վրա: Խնդիրն հատկապես արդիական դարձավ կորոնավիրուսային հիվանդության պայմանավորված, երբ բազմաթիվ էթիկական խնդիրներ ի հայտ եկան, որոնց լուծումը հնարավոր չէր օրենսդրական բացի պատճառով:

Նախագծով առաջարկվում է սահմանել բուժաշխատողների մասնագիտական էթիկայի կանոնները՝ համահունչ դարձնելով այն միջազգայնորեն ընդունված չափանիշներին:

Նախագծի մշակմանը մասնակցել են ՀՀ առողջապահության նախարարության աշխատակիցները և Եվրոպայի Խորհրդի «Մարդու իրավունքները կենսաբժշկության մեջ» ծրագրի միջազգային և տեղական փորձագիտական ներուժը:

Բուժաշխատողի մասնագիտական էթիկայի կանոնները կապված հարաբերությունները՝ բուժաշխատող-պացիենտ, բուժաշխատող-բուժաշխատող հարաբերություններում, ինչպես նաև բուժաշխատողներին ներկայացվող էթիկական պահանջները՝ հանրային առողջության պահպանման ոլորտում:

Իրավական ակտի ընդունումը մեծապես կբարելավի պացիենտներին մատուցվող բժշկական օգնության և սպասարկման որակը:

Կառավարությունը հաստատեց բուժաշխատողի մասնագիտական էթիկայի կանոնները. «Ծառայությունների որակը կփոխվի»

Այս թեմայով