ՌԴ ռազմական օկրուգների եւ ԶՈւ զորատեսակները բելառուս զինվորականների հետ օպերատիվ միջոցառում են անցկացնում

Ռուսաստանի Զինված ուժերում շարունակվում են օպերատիվ պատրաստության մասշտաբային միջոցառումները, դրանց մասնակցում են գրեթե բոլոր ռազմական օկրուգները, նավատորմերը եւ օդադեսանտային զորքերը, լրագրողներին ասել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը, տեղեկացնում է «ՌԻԱ «Նովոստի»-ն։

«Ռուսաստանի Դաշնության Զինված ուժերում շարունակվում է զորքերի եւ ուժերի մասշտաբային միջոցառումների օպերատիվ պատրաստությունը։ Դրանց մասնակցում են գրեթե բոլոր ռազմական օկրուգները, նավատորմերը եւ օդադեսանտային զորքերը»,- ասել է Կոնաշենկովը։

Ըստ նրա՝ Արեւելյան ռազմական օկրուգի եւ օդադեսանտային զորքերը «Դաշնակցային վճռականություն – 2022» զորավարժություններում բելառուս զինվորականների հետ համատեղ մշակում են Միութենական պետության դեմ ագրեսիան հետ մղելու հմտություններ։

«Արեւելյան ռազմական օկրուգի եւ օդադեսանտային զորքերը, որոնք մասնակցում են այս զորավարժությանը («Դաշնակցային վճռականություն – 2022») բելառուս զինվորականների հետ փոխգործակցությամբ, մշակում են Միութենական պետության դեմ ագրեսիան հետ մղելու հարցերը պաշտպանական գործողության ընթացքում»,- ասել է Կոնաշենկովը։