Թրյուդոն գործարկել է իր արտակարգ լիազորությունները՝ բողոքի ակցիաներին վերջ տալու համար

Կանադայի վարչապետ Ջասթին Թրյուդոն դիմել է հազվադեպ օգտագործվող արտակարգ լիզաորություններին՝ բողոքի ցույցերը դադարեցնելու, որոնք փակել են ԱՄՆ որոշ սահմանային անցումներ եւ կաթվածահար են արել մայրաքաղաքի որոշ հատվածներ, հայտնում է Reuters-ը:

Արտակարգ իրավիճակների մասին օրենքի համաձայն՝ կառավարությունը քայլեր է ձեռնարկել ցուցարարների ֆինանսավորման դադարեցման եւ դաշնային ոստիկանության կողմից մարզային եւ տեղական իրավապահ մարմինների ուժեղացման ուղղությամբ:

«Շրջափակումը վնաս է հասցնում մեր տնտեսությանը եւ վտանգում է հանրային անվտանգությունը,- ասել է Թրյուդոն մամուլի ասուլիսին:- Մենք թույլ չենք տա շարունակել ապօրինի ու վտանգավոր գործողությունները»:

Բայց Կանադայի Քաղաքացիական ազատությունների ասոցիացիան հայտարարել է, որ կառավարությունը չի կատարել Արտակարգ իրավիճակների մասին ակտի իրականացման ստանդարտը, որը նախատեսված է «ինքնիշխանության, անվտանգության եւ տարածքային ամբողջականության» սպառնալիքների դեմ պայքարի համար:

Բեռնատարների կանադացի վարորդների կողմից սկսված «Ազատության շարասյան» բողոքի ակցիաները, որոնք դեմ են հանդես գալիս COVID-19-ի դեմ պատվաստմանը կամ անդրսահմանային վարորդների կարանտինային մանդատին, գրավեցին Թրյուդոյի քաղաքականությանը դեմ հանդես եկող մարդկանց՝ համավարակի սահմանափակումներից մինչեւ ածխածնի արտանետում: Այդպիսի բողոքի ակցիաներ են տեղի ունեցան նաեւ Իսրայելում, Ֆրանսիայում, Ավստրալիայում եւ Նոր Զելանդիայում։

Ֆինանսական միջոցները վերահսկում են քրաուդֆանդինգի ֆինանսավորման հարթակները, թույլ են տալիս կանադական բանկերին սառեցնել հաշիվները, որոնք կասկածվում են շրջափակման ֆինանսավորման մեջ եւ կասեցնել բողոքի ակցիաներին մասնակցող ավտմեքենաների ապահովագրությունը, ասել է ֆինանսների նախարար Քրիստիա Ֆրիլանդը։

«Մենք իրականացնումենք այս փոփոխությունները, քանի որ գիտենք, որ այդ (քրաութֆանֆիգային) հարթակներն օգտագործվում են անօրինական շրջափակումներին եւ անօրինական գործողություններին աջակցելու համար, որոնք վնաս են հասցնում Կանադայի տնտեսությանը»,- ասել է Ֆրիլանդը:

Կանադայի իշխանությունները հայտարարել են, որ ցույցերի ֆինանսավորման մոտ կեսը ստացվել է ԱՄՆ-ում կողմնակիցներից: Անցյալ շաբաթ Տորոնտո-Դոմինիոն բանկը սառեցրեց երկու անձնական բանկային հաշիվ, որոնց 1.4 միլիոն կանադական դոլար (1.1 միլիոն դոլար) է փոխանցվել բողոքի ակցիաների համար:

ԱՄՆ-ում գործող GiveSendGo կայքը փողի հիմնական աղբյուրը դարձավ ցուցարարների համար այն բանից հետո, երբ GoFundMe քրաունդֆանդինգային հարթակն արգելափակեց նվիրատվությունները խմբին: Անցյալ շաբաթ Օնտարիոյի դատարանը կարգադրեց GiveSendGo-ին սառեցնել բողոքի ակցիային աջակցող բոլոր միջոցները:

Այն քննադատության ֆոնին, որ ոստիկանության մոտեցումը ցույցերին չափազանց մեղմ է եղել, Թրյուդոն կօգտագործի դաշնային սպաներին՝ մարզային եւ տեղական ուժերին աջակցելու համար: «Չնայած նրանց բոլոր ջանքերին՝ այժմ ակնհայտ է, որ լուրջ խնդիրներ կան իրավապահների կողմից օրենքն արդյունավետորեն կիրառելու կարողության հետ կապված»,- ասել է նա:

Կանադայի խորհրդարանը պետք է հաստատի արտակարգ միջոցառումները յոթ օրվա ընթացքում, իսկ ձախակողմյան Նոր դեմոկրատական ​​կուսակցությունը հայտարարել է, որ կաջակցի Թրյուդոյի փոքրամասնության լիբերալ կառավարությանը այդ միջոցների ընդունման հարցում: