Նատալիա Շտուրմը Վոլոչկովայի արդեն նախկին սիրեցյալ Սերգեյին անվանել է ալֆոնս և պնդում է, որ վերջինս պետք է վերադարձնի բալետպարուհուն Մալդիվներում հանգստի գումարը

Ինչպես արդեն նշել էինք, 2022 թվականի Նոր տարվա <<Արի Ամուսնանանք>> թողարկման ժամանակ ռուս բալետ պարուհի, պոպ դիվա Անաստասիա Վոլոչկովան հաղորդմանը փեսայի օգնականը լինելով, ենթադրյալ փեսային տարավ հաղորդման հերոսուհու ձեռքից՝ իրենով անելով Սերգեյին:

Դրանից հետո նրանք անցկացրել էին իրենց հանգիստը միասին Մալդիվներում:

Որից հետո էլ վերադարձին Անաստասիան մեծ սկանդալ էր բարձրացրել ինքնաթիռում:

Նշենք, որ Սերգեյ Կուզնեցովի հետ հանգիստը Մալդիվներում բալետպարուհու վրա նստել էր 2 մլն ռուբլուց ավել: 

Սակայն նրանց-կոնֆետածաղկային շրջանը և ընդհանուր հարաբերությունները տևեցին ընդամենը մեկ ամիս: Սերգեյը հայտարարել էր, թե Անաստասիան աններելի քայլ է արել, որից հետո ինքը այլևս չի ուզում ճանաչել նրան: 

55 ամյա Նատալիա Շտուրմը չի կարողացել անտարբեր մնալ այս պատմությանը և իր Ինսթագրամյան էջում հայտարարել է, որ Սերգեյը ոչ այլ ինչ է քան սովորական ալֆոնս:

Շտուրմը ասել է, որ Սերգեյը այդքան սկզբունքային չէր, երբ համաձայնում էր Անաստասիայի հետ գնալ հանգստանալու, երբ ընդամենը մի քանի օր է, ինչ ճանաչում էր նրան: 

Նատալիան կոչ է արել Սերգեյին վճարել գոնե հանգստի վրա ծախսված գումարի կեսը: 

"Իսկ Սերգեյը չի՞ ուզում վերադարձնել  Նաստիային հանգստի համար ծախսված գումարները: Եթե այդքան սկզբունքային է: Ուրիշի հաշվին գնաց Մալդիվներ, քեֆ արեց, իսկ հիմա գոռոզ տղամարդ է խաղու՞մ: Տանել չեմ կարողանում ալֆոնսների: Ինձ չի հուզում, թե ինչ հիմարություններ է անում Նաստիան, դա իր անձնական գործն է, բայց կնոջ հաշվին ինքնահաստատվող տղամարդը փալաս է" -ասել է Շտուրմը:

Հիշեցնենք, որ Նաստիան պարբերաբար ինչ-որ հերթական սկանդալի մեջ հայտնվելով, անընդհատ ստիպում է խոսել իր մասին:

Վերջերս նա իր պետքարանային կարիքները հոգացել էր իր հողատարածքի եղևնու տակ, ինչը առաջացրել էր հարևանների դժգոհությունը: Միջադեպը մեծ աղմուկ էր բարձրացրել ռուս հանրության մոտ:

Իսկ ինքնաթիռում սկանդալից հետո Անաստասիա Վոլոչկովան պատրաստվում էր դատական հայց ներկայացնել բորտուղեկցորդի դեմ:

 Նշենք, որ Անաստասիա Վոլոչկովայի սիրելիի նկատմամբ հետախուզում էր հայտարարվել Ուկրաինայում ահաբեկչական ակտի համար:

Անաստասիա Վոլոչկովան պաշտպանել է իր սիրելիին, որին մեղադրում են ահաբեկչության համար:

Նշենք, որ բալետ պարուհուն չսիրող մեկնաբանները պնդում են, որ այս ամենը հերթական PR ակցիան էր, որպեսզի լրատվամիջոցները շարունակեն խոսել նրա մասին, ավելին, ասում են, թե Սերգեյը վճարել է Անաստասիային, որ նա իրեն հայտնի դարձնի, որ թաբլոիդները խոսեն Սերգեյի և վերջինիս բիզնեսի մասին: