Ֆրանսիան հազարավոր ոստիկաններ կտեղակայի Փարիզում՝ «Ազատության շարասյուն» ակցիայի մասնակիցների մուտքն արգելելու համար

Ֆրանսիան հազարավոր ոստիկաններ կտեղակայի Փարիզում եւ քաղաքի մերձակայքում, ինչպես նաեւ հսկիչ անցակետերում՝ «Ազատության շարասյուն» ակցիայի մասնակիցների մուտքն արգելելու համար, հաղորդում է Reuters-ը:

Չնայած Փարիզ չմտնելու հրամանին՝ վարորդները, ովքեր բողոքում են COVID-19-ի սահմանափակումների դեմ, հավաքվում են Ֆրանսիայի մայրաքաղաքում երկրի տարբեր քաղաքներից՝ ոգեշնչված Կանադայում տեղի ունեցող աղմկահարույց ցույցերից։

Այնուամենայնիվ, ֆրանսիական «Ազատության շարասյուն» ակցիան ցույց է տալիս ապրիլին կայանալիք նախագահական ընտրությունների նախաշեմին նախագահ Էմանուել Մակրոնի դեմ խմբերի միավորումը՝ 2018-2019 թթ. «Դեղին բաճկոններ» հակակառավարական շարժման մնացորդներով եւ որոշ ծայրահեղ աջական քաղաքական գործիչներով։

Ֆրանսիայում ավտոմոբիլիստների բողոքին նախորդել են պատվաստումների վկայականների դեմ ցույցերը։ Երկրում պահանջում են COVID-ի դեմ պատվաստման ապացույց ներկայացնել՝ բարեր, ռեստորաններ, կինոթատրոններ եւ այլ հասարակական վայրեր մուտք գործելիս։

Ակնկալվում է, որ տարբեր շարասյուններ կժամանեն Փարիզ ավելի ուշ՝ ուրբաթ։ Նրանց թիվը հայտնի չէ։

«Ազատության շարասյան» որոշ կողմնակիցներ ասում են, որ ցուցարարների համար չպետք է խոչընդոտ հանդիսանան ոստիկանության հրամանները ։