Բլինքենը պնդում է, որ Ռուսաստանը ցանկացած պահի կարող է ներխուժել Ուկրաինա

Ռուսաստանը «լրացուցիչ ուժեր է ուղարկել Ուկրաինայի հետ սահման եւ կարող է ցանկացած պահի ներխուժել, այդ թվում՝ ձմեռային օլիմպիական խաղերի ժամանակ»։ Այս մասին հայտարարել է ԱՄՆ պետքարտուղար Էնթոնի Բլինքենը, հաղորդում է Reuters-ը։

Նրա խոսքով՝ Վաշինգտոնը շարունակում է «կրճատել» Ուկրաինայում իր դեսպանատան անձնակազմը։ Նա կրկնել է Պետդեպարտամենտի կոչը՝ ուղղված Ուկրաինայում գտնվող ԱՄՆ քաղաքացիներին, անհապաղ լքել երկիրը։ «Մենք շարունակում ենք տեսնել ռուսական էսկալացիայի շատ մտահոգիչ նշաններ, ներառյալ նոր ուժերի ժամանումը Ուկրաինայի հետ սահման»,- ասել է Բլինքենը Ավստրալիայի Մելբուրն քաղաքում կայացած մամուլի ասուլիսում։

ԱՄՆ Պետդեպարտամենտն Ուկրաինայում գտնվող ամերիկացիներին հորդորել է անհապաղ լքել երկիրը՝ ռուսական ռազմական գործողությունների սպառնալիքների ֆոնին, իսկ Բլինկենն ասել է, որ Վաշինգտոնը կշարունակի փակել իր դեսպանատունը: «Մենք կշարունակենք այս գործընթացը, եւ մենք նաեւ հստակ հասկացրել ենք, որ Ուկրաինայում մնացած ամերիկացիները պետք է լքեն Ուկրաինան»,- ասել է Բլինքենը։

Նշենք, որ Ռուսաստանը բազմիցս հերքել է Ուկրաինա ներխուժելու ծրագրերը։