ԱՄՆ-ի հավաքականը նվաճեց 2 ոսկե մեդալ և բարձրացավ չորրորդ տեղ

Պեկինի 24-րդ ձմեռային Օլիմպիական խաղերի 6-րդ մեդալային օրը ԱՄՆ-ի հավաքականը սկսեց երկու հաղթանակով։

Սնոուբորդի կանանց հաֆփայփում երկրորդ Օլիմպիական խաղերում անընդմեջ հավասարը չունեցավ ամերիկացի Խլոյա Կիմը, իսկ գեղասահքի տղամարդկանց մենասահքում անգերազանցելի էր Նեյթան Չենը։

Ընդհանուր մեդալային հաշվարկում ԱՄՆ-ի հավաքականը 3 ոսկե, 5 արծաթե եւ 1 բրոնզե մեդալով բարձրացավ չորրորդ տեղ։ Առաջատարը Գերմանիան է՝ 5 ոսկե, 3 արծաթե մեդալ։ Երկրորդ տեղում նորվեգացիներն են՝ 4-ական ոսկե ու բրոնզե, 2 արծաթե մեդալ։ Եռյակը եզրափակում է Շվեդիան՝ 4 ոսկե, 1 արծաթե, 2 բրոնզե մեդալ։