Մարդիկ այս ինքնագլուխ թանկացումից հետո որոշել էին ընդհանրապես ԱՊՊԱ չանել. հազիվ կանխում ենք. վարորդ

Մենք մեր ակցիաները շարունակելու ենք, այսօր եկել ենք ԱՊՊԱ բյուրոյի հետ փորձենք կառուցողական զրույց ունենալու, եթե կառուցողական կգտնվեն: Այս մասին, այսօր՝ փետրվարի 7-ին, Հայաստանի ավտոապահովագրողների բյուրոյի դիմաց բողոքիա ցկաիյ ժամանակ լրագրողների հետ զրույցում նշեց «ՏՈՒԳԱՆՔ» նխաձեռնության ղեկավար Արտակ Խաչատուրովը: Նրենք, որ վարորդները բողոքում ԱՊՊԱ-ի վճարների բարձրացման դեմ, որն ուժի մեջ է մտել այսօրվանից:

«Մենք չենք պատրաստվում թանկ վճարել: Մարդիկ արդեն այս ինքնագլուխ թանկացումից հետո որոշել էին ընդհանրապես ԱՊՊԱ չանել, մենք դա հազիվ կանխում ենք, հանգստացնում ենք: Մենք ԱՊՊԱ համակարգին կողմ ենք, բայց ասում են՝ մի առիթավորվեք դրանից: Ամեն ինչ պետք է լինի պատճռաբանված ու տրամաբանական, բայց մենք ոչ մի տրամաբանություն չենք տեսնում: Մենք շարունակելու ենք պայքարել: Հաջորդ շաբաթվա համար հրավեր ենք ստացել ԱԺ-ից՝ քննարկում անցկացնելու: Մի պայմանով ենք համաձայնել, որ ոչ թե հավաքվենք, խոսենք, գնա, այլ կոմպրոմիսային լուծում գտնենք: Այսօր ամբողջ օրը նարդի-բատմինտոն ենք անելու, նյարդերը սղոցեքն, բացատրենք, որ չի կարելի այսպես անել:

Պահանջ ունենք ՃՈ-ից, որ գարաժում կանգնած մեքենաների վրա 5 հազար դրամ տուգանքները վերացնեն: ՃՈ-ի արածը ներքին պայմանավորվածությունների արդյունք է եղել, ինչն անթույլատրելի է»,-ասաց նա:

Անդրադառնալով հարցին, թե որոնք են լինելու իրենց հետագա քայլերը, նա պատասխանեց. «Մենք աշխատելու ենք ապահովագրական բյուրոյին հանրությունից մեկուսացնել, ինչով հնարավոր է՝ աշխատանքները բոյկոտելու ենք: Նաեւ ոստիկանությանը, ԿԲ-ին կոչ ենք արել զերծ մնալ նրանց հետ համագործակցելուց, դա քաղաքացիների շահերից չի բխում: Ինքնագլուխ որոշել են ժողովրդի արյունը խմել»:

Ըստ ակցիայի մասնակիցներից մեկի, հարցի հասեցատերը կառավարությունն է, թեև իրենք ակցիաներ են իրականացրել Կենտրոնական բանկի, Ապահովագրական բյուրոյի մոտ. «Ինձ համար այս երկու կառույցներն ուղղակի կատարողներ են, իսկ հարցն ավելի մեծ մասշտաբների է հասնում։ Հարցը հասնում է, իմ կարծիքով, կառավարություն։ Փորձում ենք ավելի փոքր մաշտաբներից սկսենք, սակայն եթե արդյունք չստանանք, առաջարկելու եմ սլաքներն ուղղվի կառավարություն»։

Ավելի վաղ հայտնել էինք, որ վարորդներն այսօր՝ փետրվարի 7-ին հերթական բողոքի ակցիան են իրականացրել ԱՊՊԱ վճարների բարձրացման դեմ, որն ուժի մեջ է մտնում այսօրվանից: Նրանք հավաքվել են Շահումյան հրապարակից, որտեղից երթով շարժվել են դեպի ապահովագրական բյուրո:

Հունվարի 31-ին եւ փետրվարի 3-ին եւս վարորդները բողոքի ակցիա էին իրականացրել Հանրապետության հրապարակում եւ ԿԲ շենքի մոտ՝ իրենց բողոքն արտահայտելով ԱՊՊԱ վճարների թանկացման դեմ: Նրանք իրենց մեքենաներով ազդանշանները միացրած պտտվել էին Հանրապետության հրապարակում: Ոստիկանները երկու դեպքում էլ բերման էին ենթարկել վարորդներից մի քանիսին:

Նշենք, որ ԱՊՊԱ վճարների թանկացման վերաբերյալ կարգավորումներն ուժի մեջ են մտնում այսօրվանից: Ըստ այդ փոփոխությունների ԱՊՊԱ-ի վճարը թանկանում է 3 հազար դրամով: Բացի դրանի, եթե վթար է լինում, որի վնասը անցնում է 1 մլն դրամից, ապա վճարը 300 տոկոսով թանկանում է: