Ռոտերդամը հաստատում է, որ ապամոնտաժում է պատմական կամուրջը, որպեսզի Ջեֆ Բեզոսի սուպերզբոսանավն անցնի

Ռոտերդամը հաստատում է, որ ապամոնտաժում է պատմական կամուրջը, որպեսզի Amazon-ի հիմնադիր Ջեֆ Բեզոսի սուպերզբոսանավն անցնի, հաղորդում է BBC-ը։

Շքեղ զբոսանավը կառուցում է հոլանդական Oceanco ընկերությունը։ Հաղորդվում է, որ նավն ունի 127 մ երկարություն եւ չափազանց բարձր է Քոնինգսհեյվենի կամրջով անցնելու համար:

Քաղաքապետի խոսնակը լրագրողներին հաստատել է այդ ծրագիրը, եւ Բեզոսը ստիպված է եղել վճարել Oceanco-ի միջոցով:

Հոլանդական ԶԼՄ-ներում տեղեկություններ են հայտնվել այն մասին, որ հոլանդական քաղաքի կամրջի միջին հատվածը, որը հայտնի է Դե Հեֆ անունով, ժամանակավորապես ապամոնտաժվելու է՝ 40 մետրանոց նավակի անցումը թույլ տալու համար:

Այս քայլը քննադատության է արժանացել, քանի որ պողպատե կամուրջը երկար պատմություն ունի եւ ազգային հուշարձան է համարվում: Այն նախկինում ենթարկվել էր հիմնանորոգման, որի արդյունքում այն ​​դուրս էր մնացել 2014-ից 2017 թվականներին, եւ պաշտոնյաները հայտարարել են, որ այն այլեւս չի ապամոնտաժվի:

Oceanco-ի կառուցած շքեղ զբոսանավի պատվերի մասին մանրամասները հայտնի են դարձել անցյալ տարի: Ընկերությունը դեռեւս չի խոսում իր հաճախորդների մասին, բայց Bloomberg-ում 2021-ին հրապարակված Բեզոսի կենսագրությունը կարծես հաստատում է այն լուրերը, որ նա է լինելու սեփականատերը:

«Y721» անունով հայտնի նավը կլինի աշխարհում ամենամեծն իր տեսակի մեջ՝ ըստ Boat International-ի տվյալների: Լուրեր են պտտվում, որ այն կարող է պարծենալ մի շարք շքեղ հատկանիշներով՝ ուղղաթիռի վայրէջքի համար հարթակով։

Forbes-ը Amazon-ի հիմնադրի կարողությունը գնահատում է ավելի քան 175 միլիարդ դոլար եւ ներկայումս նրան դասում է աշխարհի ամենահարուստ մարդկանց վարկանիշում երրորդ հորիզոնականում։