Հոլոքոստի մասին հայտարարության պատճառով Վուպի Գոլդբերգին հեռացրել են «The View» թոք շոուից
Ամերիկացի դերասանուհի Վուպի Գոլդբերգին (իսկական անունը՝ Քերին Էլեյն Ջոնսոն) հեռացրել են «ABC News»-ի «The View» թոք շոուից Հոլոքոստի մասին նրա արտահայտությունների պատճառով, հայտնում է The Hollywood Reporter-ը։
«Այս պահից սկսած ես Վուպի Գոլդբերգին երկու շաբաթով հեռացնում եմ նրա սխալ եւ վիրավորական մեկնաբանությունների պատճառով։ Թեեւ Վուպին ներողություն է խնդրել, ես նրան խնդրել եմ մտածել եեւ իմանալ նրա մեկնաբանությունների ազդեցության մասին։ Մեր «ABC News» կազմակերպությունը համերաշխ է մեր հրեա գործընկերների, ընկերների, ընտանիքների եւ համայնքների հետ»,- հայտարարել է ABC News-ի ղեկավոր Քիմ Գոդվինը՝ նշելով, որ արտիստի խոսքերը չեն համապատասխանում հեռուստաընկերության արժեքներին։
Արտիստն ավելի վաղ նշել էր, որ Հոլքոստը ոչ թե «սպիտակ ռասայի գերազանցության», այլ «մարդու հանեդ մարդու ոչ մարդկային վերաբերմունքի» մասին է։ Արդյունքում նրան մեղադրել էին հակահրեականության եւ Հոլոքոստի հերքման մեջ։