Բրիտանուհին բողոքել է մեթատիեզերքում վիրտուալ սեռական ոտնձգություններից

43-ամյա բրիտանուհին պնդում է, որ իրեն բառացիորեն «ձեռք է գցել» տղամարդկանց ավատարների ավազակախումբը Meta-ի տիեզերքում, գրում է The Mail on Sunday-ը:

Նինա Ջեյն Փաթելը, ով մրցակից մեթատիեզերքի հետազոտությունների գծով փոխնախագահն է, ասել է, որ ինքը «բանավոր եւ սեռական ոտնձգությունների է ենթարկվել» երեք կամ չորս տղամարդկանց ավատարների կողմից՝ Meta Horizon Venues-ում:

Նրա խոսքով՝ վիրտուալ աշխարհին միանալուց մեկ րոպե անց տղամարդկանց ավատարները սկսել են անհանգստացնել իրեն։

Պատելի գրառման համաձայն՝ ավատարները «անպատշաճ կերպով շոշափել են նրա կերպարի մարմինը, մի քանի րոպե սեքսուալ մեկնաբանություններ ու սքրինշոթեր են արել»։

Պատելն ասել է, որ ստիպված է եղել հեռացնել վիրտուալ իրականության (VR) ականջակալները՝ ապրումներին վերջ տալու համար: Նա պատմել է, որ այդ ժամանակվանից «տառապում է անհանգստությունից»:

«Մենք ցավում ենք, որ դա տեղի է ունեցել»,- ասել է Meta-ի ներկայացուցիչը: «Մենք ցանկանում ենք, որ Horizon Venues-ում բոլորը դրական փորձ ստանան եւ հեշտությամբ գտնեն անվտանգության գործիքները, որոնք կարող են օգնել նման իրավիճակում և օգնել մեզ հետաքննել և միջոցներ ձեռնարկել»:

Ներկայացուցիչը նշել է, որ Պատելը չի օգտագործել պլատֆորմի հաշվետվության գործիքները, որոնք թույլ են տալիս արգելափակել օգտատերերին, անջատել ձայնը և հայտնել նրանց կողքին գտնվող որևէ մեկի մասին: Պատելը Insider-ին ասել է, որ ինքը չի կարող բավական արագ դա անել:

Horizon Venues-ը թվային փորձ է, որը Meta-ն դեռ մշակում է, որը թույլ է տալիս մարդկանց օգտագործել վիրտուալ իրականության ականջակալներ՝ ստեղծելու ավատարներ, որոնք կարող են միասին դիտել առցանց իրադարձությունները: