Apple-ի ամենաանհաջող գյուտերը

Հեռուստացույցի հեռակառավարման վահանակը և ականջակալների պատյանը ներառվել են Apple-ի ամենաանհաջող գյուտերի ցանկում:

MacRumors-ի լրագրողները թվարկել են դիզայնի առումով Apple-ի ամենաանհաջող գաջեթները։ Ցանկը հասանելի է լրատվամիջոցների կայքում։

Հեղինակները ընտրել են սարքեր ու գյուտեր, որոնք հակասական դիզայն ունեն և արժանացել են օգտատերերի քննադատությանը։ Ցուցակում ներառվել է Apple TV-ի հեռակառավարման վահանակը, որը լրագրողների կարծիքով անհարմար փոքր է, ինչի պատճառով էլ անընդհատ կորել է։ AirPods Max ականջակալների պատյանը քննադատության է ենթարկվել բարդ դիզայնի և շատ հեշտ կեղտոտվող պատյանի պատճառով, որն արագ հավաքում էր փոշին և քերծվում էր:

Վարկանիշում ներառվել է թիթեռի նման ստեղնաշար, որն օգտագործվել է 2015-ից 2019 թվականներին արտադրված նոութբուքերում։ «Նրա մեխանիզմն այնքան բարակ և փխրուն էր, որ ավազի ամենափոքր կտորը կարող էր անջատել այն»,- ասվում է նյութում:

Mac Pro-ն, որի դեբյուտը հայտնվեց 2013 թվականին, ծաղրի արժանացավ իր գլանաձև տեսքի համար, ինչը շատ դժվարացրեց սարքի ապամոնտաժումը: 2017 թվականին Apple-ի ներկայացուցիչներն ընդունել են իրենց սխալը։

Առաջին սերնդի Apple Pencil համակարգչային մկնիկը քննադատության է ենթարկվել լիցքավորման սարքերի առանձնահատկության պատճառով։ Մարտկոցը լիցքավորելու համար մկնիկը պետք է շրջել ու այդ տեսքով թողնել սեղանին: Հեղինակները նշել են, որ դժվար է հաշվել սարքերի քանակը, որոնք խափանվել են, երբ պլանշետին լիցքավորման ժամանակ պատահաբար դիպչել են։

«Նույնիսկ Apple-ը ժամանակ առ ժամանակ սխալներ է անում»,- եզրափակել են լրագրողները: