2018-ին մեր կարողությունները կտրուկ նվազեցին. Կարելի է ասել՝ բանակի վրա որոշեցին PR կազմակերպել. Օհանյան

Բանակն այն կառույցն է, որ իր կազմակերպվածությամբ, կարգապհության մկարդակով առաջինը կարող է, պարտավոր է ոտքի կանգնել, ուղղել իր մեջքը՝ վերականգնելով երբեմնի հաղթանակողի եւ տարածաշրջանում մրցունակբանակ լինելու համբավը: Այս մասին NEWS.am-ի TALK TIME- եթերում հայտարարել է ԱԺ «Հայաստան» խմբակցության ղեկավար, պաշտպանության նախկին նախարար Սեյրան Օհանյանը:

«Այնտեղ, որտեղ բանակն ու ժողովուրդը միասնական են, նրանք անպարտելի են: Բայց այս 44-օրյա պատերազմում այդ միասնականությունը չերեւաց: Պատերազմին զուգընթաց մեր իշխանությունները չկարողացան պետությունը տեղափոխել ռազմական ռելսերի վրա, համախմբել ողջ ժողովրդին ու տանել հաղթանակների: Բանակի թիկունքը բաց մնաց, գոնե անձնակազմով եւ նյութատեխնիկական ապահովման համալրման մասով: 2018-ին մեր բանակի կարողությունները կտրուկ նվազեցին, առաջին հերթին հարված հասցվեց հասարակությանը, հասարակությունը բաժանվեց մասերի»,-ասաց նա:

Դիտարկմանը, որ գործող իշխանությունը հայտարարում է, որ բանակն ամենաշատը զինվել է հենց հեղափոխությունից հետո, Սեյրան Օհանյանն ասաց. «Իշխանությունն առնվազն ճիշտ չի ասում: Եթե իշխանությունը հրավիրի ինձ որեւէ բաց կամ փակ քննարկման նույն ՊՆ-ում, ես կարող եմ ներկայացնել: Չի կարող 27 տարվա աշխատանքը 3 տարվա աշխատանքին համեմատական լինի: Իրենք ուռճացրել են կենտրոնական ապարատը, իսկ մարտական կառույցները, մոբիլիզացիոն կառույցները դրանք կրճատել են: Կարելի է ասել, որ բանակի վրա որոշեցին PR կազմակերպել, այսինքն թիկունքային ապահովումը, սնունդը, հանդերձանքն ավելի կարեւորվեց, քան բանակի պառազինումը: