Տեխասի գլխավոր դատախազը դատի է տվել Google-ին

Տեխասի գլխավոր դատախազը դատի է տվել Google-ին՝ պնդելով, որ ընկերությունը խնդրել է տեղական ռադիո դիջեյներին անձնական խորհուրդներ ձայնագրել սմարթֆոնների համար, որոնք նրանք չեն օգտագործել, հայտնում է AP-ն։

Մոնտգոմերի կոմսությունում ներկայացված հայցում հանրապետական ​​գլխավոր դատախազ Քեն Փաքսթոնն ասել է, որ Google-ը կեղծ եւ ապակողմնորոշիչ պրակտիկա է իրականացնում՝ խախտելով Տեխասի խարդախ առեւտրի պրակտիկայի եւ սպառողների պաշտպանության մասին օրենքը:

Հայցում ասվում է, որ Google-ը iHeartMedia-ն վարձել է 2019 թվականի հոկտեմբերին, որպեսզի դրա ռադիոհաղորդավարները, այդ թվույմ` Դալլասի եւ Հյուսթոնի շուկաներում, գովազդ ձայնագրեն Google Pixel 4 ապրանքանիշի սմարթֆոնի համար:

Սակայն գովազդը ձայնագրելիս, ասվում է հայցում, հեռախոսը դեռ չէր թողարկվել, եւ DJ-ներից ոչ ոք չէր օգտագործում այն: Հայցում ասվում է, որ չնայած iHeartMedia-ն «Google-ին հայտնել է գովազդի բռնի բնույթի մասին», Google-ը հեռախոսների նմուշներ չի տրամադրել:

Google-ի ներկայացուցիչ Խոսե Կաստանեդան ասել է, որ իրենք լուրջ են վերաբերվում գովազդային օրենքների կիրառմանը: «Մենք կուսումնասիրենք բողոքը, բայց դատախազի պնդումները կարծես խեղաթյուրում են իրականությունը», - ասել է Կաստանեդան: