Բեռլինի դատախազությունը հետաքննություն է անցկացնում արտգործնախարարի եւ փոխկանցլերի նկատմամբ

Բեռլինի դատախազությունը հետաքննություն է անցկացնում «Միություն 90/Կանաչներ» կուսակցության ողջ դաշնային կառավարման նկատմամբ՝ վստահության չարաշահման կասկածանքով: Դա հաստատել է վերահսկող մարմնի ներկայացուցիչը, փոխանցում է DW-ը։

Կուսակցության համանախագահներից բացի՝ Գերմանիայի արտաքին գործերի նախարար Աննալենա Բերբոկը եւ Գերմանիայի փոխկանցլեր, տնտեսական հարցերի եւ կլիմայի պաշտպանության դաշնային նախարար Ռոբերտ Հաբեկը, խորհրդի կազմում են նաեւ գործադիր քարտուղար Միխայել Քելները, Ջամիլա Շեֆերը, Ռիկարդա Լանգը եւ Մարկ Ուրբաչը: Հաջորդ շաբաթվա վերջին կայանալիք կուսակցության համաժողովում կընտրվի նոր վարչություն։

«Կանաչների» ներկայացուցիչները պնդում են, որ խորհուրդն իրավասու է ընդունել համապատասխան որոշումներ՝ «բոլոր ներգրավվածների տեսանկյունից»: Վճարված գումարն արդեն վերադարձվել է։ «Կոլեգիայի եւ դաշնային ապարատի համապատասխան անդամները լիովին համագործակցում են դատախազության հետ՝ իրավիճակն արագ եւ համակողմանիորեն լուծելու համար»,- նշել են կուսակցությունից։

Մեկ անձի համար 1500 եվրո բոնուս է վճարվել 2021 թվականի ձմռանը։ Այն նախատեսված էր «փոխհատուցելու սթրեսը», որն առաջացել է տնից աշխատելու անհրաժեշտությունից եւ շենքի վերանորոգումից, որտեղ տեղակայված էր կուսակցության դաշնային ապարատը։ Դատախազության խոսնակն ավելի ուշ հայտնել է, որ մի շարք դիմումներ է ստացել մասնավոր անձանցից։

Նախաքննությունը շարունակվում է հունվարի 6-ից։ Ներկուսակցական աուդիտորները դեմ են եղել վճարումներին, հաղորդում է dpa-ն: Նրանք պնդել են, որ բոնուսի փոխանցումը պետք է հաստատվեր դաշնային ֆինանսական խորհրդի անդամների կողմից, որում ընդգրկված են ոչ միայն դաշնային գանձապահը, այլ նաեւ հողային բաժանմունքների պատվիրակները։

«Միություն 90/Կանաչներ»-ը 2019-ին արդեն ստիպված է եղել հատուկ վճարումների համար արդարացումներ գտնել, ինչը բացատրվել է, մասնավորապես, եվրոպական ընտրություններին կուսակցության լավ արդյունքներով։