Ղազախստանում ՀԱՊԿ-ի գործողությունները ճիշտ են, բայց Հայաստանը չպետք է զորախումբ ուղարկեր. Դավիթ Շահնազարյան
ՀՀ իշխանությունները մի նոր վտանգ ստեղծեցին մեզ համար, դա ՀԱՊԿ-ի շրջանակներում Ղազախստան հայկական զորախումբ ուղարկելն էր: Այս մասին, այսօր՝ հունվարի 11-ին, լրագրողների հետ հանդիպման ժամանակ նշեց ՀՀ ԱԱՊՎ նախկին ղեկավար, 1992-1995 թթ. ՀՀ նախագահի հատուկ հանձնարարություններով դեսպան Դավիթ Շահնազարյանը։
«Շատ ճիշտ եմ համարում այդ որոշումը եւ ՀԱՊԿ-ի գործողությունները, այսինն խաղաղապահ առաքելություն անցկացնելը, բայց հայկական զորախմբի մասնակցությունը լրջագույն խնդիր է Հայաստանի համար: Այս մասին, այսօր՝ հունվարի 11-ին, լրագրողների հետ հանդիպման ժամանակ նշեց ՀՀ ԱԱՊՎ նախկին ղեկավար, 1992-1995 թթ. ՀՀ նախագահի հատուկ հանձնարարություններով դեսպան Դավիթ Շահնազարյանը։
«Նախ, անվտանգության ռումով լուրջ խնդիրներ են լինելու Ղազախստանի հայկական համայնքի համար: Ադրբեջանական եւ թուրքական պրոպագանդան արդեն իսկ սկսել է ակտիվորեն ողջ աշխարհում դք ցույց տալ որպես ռուս-հայկական օկուպացիա Ղազախստանի: Սա առաջ է բերելու առաջին հերթին Ղազախստանում լուրջ հակահայկական տրամադրությունների ձեւավորում:
Հաջորդը, միջազգային հարթակներում է ստեղծվելու այդ կերպարը: Հատկապես այն հարթակներում ու պետություններում, որոնք հստակ ՌԴ-ի դեմ քաղաքականություն են վարում եւ արդեն Հայաստանն է ներկայացվելու որպես օկուպանտ: Սա վտանգ է մեր բոլոր համայնքների, մեր դեսպանատների ու հյուպատոսությունների համար: Չի բացառվում, որ գուցե կատարվեն բռնի, ահաբեկչական գործողություններ համայնքների ու դեսպանատների դեմ, որոնք կներկայացվեն որպես ղազախական թեմայով ընդվզում, բայց դրանք կիրականացվեն մեր թշնամի երկրների հատուկ ծառայությունների կողմից»,-ասաց նա, որ սրանով կազմաքանդվում են Հայաստանի անվտանգության համակարգերը:
Շահնազարյանը համոզմունք հայտնեց, որ ՀՀ իշխանություններն այս փաստարկները կարող էին ներկայացնել Ռուսաստանին եւ ՌԴ-ի համար դա ըմբռնելի կլիներ:
«Այն, ինչ տեղի է ունենում Ղազախստնում, ուղղակիորեն կապված է մեր անվտանգության հետ: Ղազախստանը չի եղել Հայաստանբի բարեկամ պետություն:Ղ Ղազախստանը դեռ 1990-ականներին եղել է թուրանիզմի վերածնման նախաձեռնողը: Ղազախստանը այսօր կարեւորագույն դերակատար է թուրքական պետությունների կազմակերպությունում: Մեզ համար կարեւորագույն խնդիր է, թե ինչպիսին կլինի Ղազախստանը այս ամենից հետո: Արդյոք կմնա այդ նույն կազմակերպությունում, որն ինքնըստինքյան լրջագույն սպառնալիք է հայության համար, որպես կարեւոր դերակատար, թե՞ կփոխի արտաքին քաղաքականությունը»,-ասաց Շահնազարյանը:
Նա նկատեց, որ արդեն հնչում են հայտարարություններ, որ թուրքական պետությունների կազմակերպությունը պետք է ունենա միասնական զինված ուժեր. «Այս պայմաններում շարունակել Հայաստանի կողմից այսպես կոչված խաղաղասիրական նախաձեռնությունները, դա հերթական ապացույցն է, որ ՀՀ իշխանությունները չեն ներկայացնում Հայաստանը եւ ՀՀ անվտանգությունը: Առաջին հերթին կցանկանամ, որ սա հստակ հասկանան Մոսկվայում»: