Լոնդոնի «Արսենալի» գլխավոր տրանսֆերային նպատակը

Լոնդոնի «Արսենալի» գլխավոր տրանսֆերային նպատակն այս ամիս կլինի իտալական «Ֆիորենտինայի» սերբ հարձակվող Դուշան Վլահովիչը, հաղորդում է Daily Mail-ը։

21-ամյա ֆուտբոլիստի (հունվարի 28-ին կդառնա 22 տարեկան) ծառայություններով անձամբ հետաքրքրված է անգլիական թիմի իսպանացի գլխավոր մարզիչ Միկել Արտետան։

Վլահովիչը մտադիր է կարիերան շարունակել Եվրոպայի առաջատար ակումբներից մեկում, եւ «Արսենալը» դեռ պետք է կարողանա գրավիչ ֆինանսական պայմաններից բացի առաջարկել հավակնոտ նախագիծ, որը կկարողանա տիտղոսներ նվաճել։

Ընթացիկ մրցաշրջանում Վլահովիչը բոլոր մրցաշարերում մասնակցել է 22 հանդիպման, խփել 18 գոլ, կատարել 4 գոլային փոխանցում։

Transfermarkt-ը Վլահովիչի տրանսֆերային արժեքը գնահատում է 70 միլիոն եվրո։