Ճապոնիացիները էկրան են ստեղծել, որը փոխանցում է ցուցադրվող սննդի համը

Ճապոնացի գիտնական Մեյջի Միյասիտան ստեղծել է հեռուստատեսային էկրանի նախատիպ, որը կարող է փոխանցել դրա վրա պատկերված սննդի համը։ Այս մասին hայտնել է Reuters գործակալությունը։

Տոկիոյի պրոֆեսորի և նրա 30 ուսանողներից բաղկացած թիմի գյուտը կոչվում է Taste the TV (Taste the TV): Ցանկացողները կարող են զգալ ուտելիքի համը, եթե էկրանը լիզեն այն պահին, երբ այն ցուցադրվում է դրա վրա։ Դրանով նրանք կարող են պատվիրել ուտելիք, որը կցանկանային համտեսել։

Տեխնոլոգիայի էությունը նրանում է, որ հեռուստացույցի վրա տեղադրված են բուրավետիչներով տասը փոքր տարաներ, որոնք միաժամանակ հեղուկ են ցողում ցանկալի համադրությամբ՝ կախված հեռուստահաղորդման սյուժեից։

«Մեր խնդիրն է հնարավորություն տալ մարդկանց զգալ, որ կարծես նրանք ճաշում են աշխարհի մյուս ծայրում գտնվող ռեստորանում՝ տանը մնալով», – բացատրել է Միաշիտան և նշել, որ նման տեխնոլոգիան հատկապես արժեքավոր է կորոնավիրուսային համավարակի դեպքում։

Գյուտի արժեքը շուկա դուրս գալուց հետո, ըստ գիտնականի, կկազմի մոտ 875 դոլար։