Կորոնավիրուսից ապաքինված Մեսին բաց է թողել ՊՍԺ-ի մարզումը «Լիոնի» դեմ խաղի նախօրեին

Ֆրանսիական ՊՍԺ-ի արգենտինացի հարձակվող Լիոնել Մեսին բաց է թողել արգենտինացի Մաուրիսիո Պոչետինոյի գլխավորած թիմի մարզումը «Լիոնի» դեմ Ֆրանսիայի առաջնության 20-րդ տուրի հանդիպման նախօրեին, հաղորդում է RMC Sport-ը։

Սուրբծննդյան արձակուրդին Մեսին Արգենտինայում վարակվել էր կորոնավիրուսով, ապաքինվել, վերադարձել Ֆրանսիա եւ վերսկսել անհատական մարզումները։

«Լիոն» - ՊՍԺ հանդիպումը տեղի կունենա հունվարի 9-ին եւ կմեկնարկի Երեւանի ժամանակով 23։45-ին։

19 խաղից հետո ՊՍԺ-ն 46 միավորով գլխավորում է մրցաշարային աղյուսակը եւ 10 միավոր առաջ է երկրորդ տեղում ընթացող «Մարսելից»։ «Լիոնը» (18 խաղ) 13-րդն է՝ 24 միավոր։