Ռիհաննան և A$AP Rocky-ն ծրագրում են ամուսնանալ 2022-ին

Ռիհաննան եւ A$AP Rocky-ն ծրագրում են ամուսնանալ։ Աստղերն այդ որոշումը կայացրել են երգչուհու հայրենիքում՝ Բարբադոսում Նոր տարին նշելուց հետո, հայտնում է HollywoodLife-ը՝ վկայակոչելով իր աղբյուրին։

Ու թեեւ լուրը պաշտոնապես չի հաստատվել, ինսայդերը կարծում է, որ դա միայն «ժամանակի հարց է»։ «Ռոքին լիովին զգում է, որ Ռիհաննան իդեալական կին է, նա չի կարողանում կյանքը պատկերացնել առանց նրա։ Նրանք վաղուց էին քննարկում ամուսնանալու հարցն ու գիտեն, որ երկուսն էլ դա են ուզում»,- ասել է աղբյուրը։

Աստղերը վաղուց են ընկերություն անում, սակայն նրանց ռոմանտիկ կապի մասին սկսել են խոաել 2020թ․-ին։ Հարաբերությունների մասին լուրը հաստատվել է միայն մեկ տարի անց։ 2021թ․-ի մայիսին Ռոքին հարցազրույց է տվել «GQ» ամսագրին՝ հայտարարելով, որ «Ռիհաննան իր ամբող կյանքի սերն է»։