Գերմանիան հայտարարել է «Հյուսիսային հոսք 2»-ի պատճառով արտաքին քաղաքականության մեջ ճեղքի մասին

ՔԴՄ/ՔՍՄ դաշինքի պատգամավոր Յուրգեն Հարդթը հայտնել է, որ գերմանական կառավարությունում լուրջ տարաձայնություններ կան «Հյուսիսային հոսք 2»-ի շուրջ, հայտնում է ՌԻԱ Նովոստին։

«Ընդամենը մի քանի շաբաթ անց ճեղքեր հայտնվեցին լուսացույցների կոալիցիայի արտաքին եւ անվտանգության քաղաքականության մեջ»,-ասել է քաղաքական գործիչը Funke մեդիա խմբի կազմում ներառված WAZ հրատարակությանը տված հարցազրույցում:

Ավելի վաղ Գերմանիայի ԱԳՆ ղեկավարը հայտարարել էր գազատարի մեծ աշխարհառազմավարական դերի մասին։ Նա կարծում է, որ սա ավելին է, քան մասնավոր տնտեսական նախագիծ։

«Հյուսիսային հոսք 2»-ը տարեկան 55 միլիարդ խորանարդ մետր հզորությամբ գազատար է Ռուսաստանի ափից Բալթիկ ծովով մինչեւ Գերմանիա: Այն իրականացնում է Nord Stream 2 AG ընկերությունը՝ միակ բաժնետեր Գազպրոմի հետ։ Եվրոպական գործընկերները՝ Royal Dutch Shell-ը, OMV, Engie, Uniper եւ Wintershall-ը, ֆինանսավորում են նախագիծը կիսով չափ՝ յուրաքանչյուրը մինչեւ 950 միլիոն եվրո:

«Հյուսիսային հոսք 2» գազատարը ներկայումս հաստատվում է կարգավորող մարմնի՝ Գերմանիայի դաշնային ցանցային գործակալության կողմից: Այս գործընթացը կասեցվել է այն պատճառով, որ կարգավորիչը անհրաժեշտ է համարել խողովակի օպերատորին՝ շվեյցարական Nord Stream 2 AG-ին, ստեղծել դուստր ձեռնարկություն Գերմանիայում եւ ներկայացնել նոր հայտ՝ որպես օպերատոր հավաստագրման համար արդեն իր անունից: Այս դիմումը ներկայացնելուց եւ ընդունելուց հետո կարգավորիչը կվերսկսի գործընթացը, կկայացնի իր որոշումը, որի վերաբերյալ այնուհետեւ Եվրահանձնաժողովը կհայտնի իր կարծիքը:

Ռուսաստանը բազմիցս հայտարարել է, որ «Հյուսիսային հոսք 2»-ը, որին դեմ են ԱՄՆ-ն ու Ուկրաինան, կոմերցիոն է, ձեռնտու է Եվրոպային եւ կոչ է արել դադարեցնել դրա հիշատակումը ցանկացած քաղաքականացված համատեքստում։