Երկարատև ընդմիջումից հետո․ «Astroworld» փառատոնի ընթացքում ողբերգական միջադեպից հետո Քայլի Ջեններն առաջին լուսանկարն է հրապարակել

Երկարատեւ ընդմիջումից հետո Քայլի Ջենները վերադարձել է «Ինստագրամ» սոցիալական ցանց։ Աստղն իր հետեւորդներին շնորհավորել է Նոր տարվա առիթով եւ նոր լուսանկար հրապարակել։ Ի դեպ, շատերը նույնիսկ ենթադրում են, որ Քայլին արդեն լույս աշխարհ է բերել երկրորդ երեխային, սական առայժմ այդ ենթադրությունները հաստատող ծանրակշիռ ապացույցներ չկան։

«Ես այս տարի երկար մտածել եմ ուրախությունների եւ տխրությունների մասին, որոնց մեզ բերել է 2021թ․-ը։ Ես երբեք չեմ մոռանա հոգու այս ցավը։ Ես աղոթում եմ, որ նոր տարին լի լինի սիրով ու երջանկությամբ»,- գրել է Քայլի Ջենները։

Աստղը երկար ժամանակ չէր հայտնվում սոցիալական ցանցում «Astroworld» փառատոնի ընթացքում ողբերգական միջադեպից հետո։ Ձեռնարկատերն այդ կերպ աջակցել է տուժածներին եւ իր ընկերոջը՝ Թրեւիս Սքոթին։ Նոյեմբերի 5-ին ռեփերի փառատոնի ընթացքում 10 մարդ է մահացել, հարյուրավոր մարդիկ տուժել են։

Նոյեմբերին Քայլին եւ Թրեւիսը հայտարարել են, որ երկրորդ անգամ ծնողներ են դառնալու։ Զույգն այժմ մեծացնում է դստերը՝ Սթորմիին։