Մահացել է Նորք-Մարաշ բժշկական կենտրոնի հիմնադիրը
Կյանքից անժամանակ հեռացել է Նորք-Մարաշ բժշկական կենտրոնի հիմնադիր, երկարամյա տնօրեն Լիդա Մուրադյանը։ Այս մասին ՖԲ-ում գրել է Առողջապահության նախկին նախարար, պատգամավոր Արսեն Թորոսյանը։
«Լիդա Կարպովնային պատիվ եմ ունեցել ճանաչելու թե՛ որպես գործընկեր, երբ բժշկական կենտրոն էի ղեկավարում, թե՛ որպես առողջապահության նախարար, երբ բազմաթիվ կարևոր ծրագրեր էինք քննարկում նրա հետ։
Լիդա Կարպովնայի դերը հայկական սրտաբանության և հատկապես սրտային վիրաբուժության զարցացման մեջ անուրանալի է։ Նա գրեթե զրոյական մակարդակից երկար տարիներ ջանք չի խնայել Նորք-Մարաշ բժշկական կենտրոնի անձնակազմի և հատկապես ՀՀ ազգային հերոս Հրայր Հովակիմյանի հետ ստեղծելու և այնուհետև զարգացնելու այս ուղղությունները։
Լիդա Կարպովնայի թողած հետքը հայկական բժշկագիտության մեջ դեռ երկար տարիներ ուղղորդելու է բազմաթիվ երիտասարդ բժիշկների, որպեսզի նրանք գտնեն իրենց տեղը այս կարևոր ոլորտում։
Ցավակցում եմ տիկին Մուրադյանի ընտանիքի անդամներին, բոլոր մտերիմներին և հարազատներին, ինչպես նաև Նորք Մարաշ ԲԿ ողջ անձմակազմին նրա անժամանակ կորստի կապակցությամբ։
Վառ հիշատակ մեր վառ գործընկերոջը…»,- գրել է նա։