Կլոպ․ Մենք մեզ նման չէինք, տարօրինակ խաղացինք, իսկ «Լեսթերն» արժանի էր 3 միավորի

«Լիվերպուլի» գերմանացի գլխավոր մարզիչ Յուրգեն Կլոպը մեկնաբանել է «Լեսթեր Սիթիից» կրած 0։1 հաշվով պարտությունը Անգլիայի առաջնության 20-րդ տուրի խաղում։

«Մենք մեզ նման չէինք։ Նորմալ սկսեցինք, բայց հետո կորցրեցինք ռիթմը, ինտենսիվությունը։ Երբեմն այդպես էլ է ստացվում։ Որոշ պահեր ունեցանք եւ կարող էինք ավելի լավ խաղալ, բայց չստացվեց։ Սկսեցինք շտապել, կարճ փոխանցումների փոխարեն կատարել երկար փոխանցումներ։

Տարօրինակ խաղացինք, իսկ «Լեսթերն» արժանի էր երեք միավորի»,- Կլոպի խոսքը մեջբերում է ակումբի մամուլի ծառայությունը։

«Լիվերպուլը» երկրորդ պարտությունը կրեց ընթացիկ առաջնությունում եւ 19 խաղից հետո 41 միավորով երկրորդն է։ Նույնքան միավոր ունի երրորդ տեղում ընթացող «Չելսին»։ Առաջատարը «Մանչեսթեր Սիթին» է՝ 47 միավոր։