ԱՄՆ-ն 20 մլն դոլար է հատկացնում Ուկրաինային Ռուսաստանի հետ սահմանն ամրացնելու համար

Վաշինգտոնը 20 մլն դոլար է հատկացրել Ռուսաստանի և Բելառուսի հետ ուկրաինական սահմանի ամրաշինության համար, նախագիծը նախատեսվում է իրականացնել 2022 թվականի ընթացքում, հայտնել են Ուկրաինայի սահմանապահ ծառայությունից։

Ավելի վաղ ամերիկացի փորձագետները մեքենայով հասել էին Սումիի մարզում գտնվող Ռուսաստանի Դաշնության հետ սահման՝ տեղանքի պաշտպանությունն ուժեղացնելու լուծումներ առաջարկելու։

«Ուկրաինայի պետական ​​սահմանային ծառայությունը, Ուկրաինայում ԱՄՆ դեսպանատան իրավապահ վարչության հետ համատեղ, շատ կարևոր աշխատանք է կատարել սահմանային վարչության կարողությունների ամրապնդման համար… Մեր համագործակցության արդյունքը դարձավ միջազգային տեխնիկական նոր նախագիծը։ Հին և նոր մարտահրավերներով պայմանավորված՝ այն ուղղված է Ուկրաինայի հյուսիսային և արևելյան սահմանների անվտանգությանը»,- ասել է Պետական ​​սահմանային ծառայության ղեկավար Սերգեյ Դեյնեկոն, մեջբերում է «ՌԻԱ Նովոստին»։

Ենթադրվում է, որ նախագիծը կմեկնարկի հունվարին։ Ավելի վաղ երկրի ներքին գործերի նախարար Դենիս Մոնաստիրսկին ասել էր, որ 2022 թվականին Ուկրաինան կսկսի Ռուսաստանի և Բելառուսի հետ պետական ​​սահմանային հատվածների վերազինումը, դրա համար պահանջվում է 640 մլն դոլար։