Պրեմիեր լիգայում գրանցվել է կորոնավիրուսով վարակվածների ռեկորդային թիվ

Կորոնավիրուսով վարակվածների թիվը Անգլիայի ֆուտբոլային Պրեմիեր լիգայում հասել է ռեկորդային մակարդակի։ Դեկտեմբերի 20-26-ն անցկացվել է 15 186 թեստ, 103-ի պատասխանը դրական է, հաղորդում է մրցաշարի մամուլի ծառայությունը։

Մեկ շաբաթ առաջ վարակվածների թիվը 90 էր։

Դեկտեմբերին ակումբներում կորոնավիրուսի բռնկումների պատճառով 15 հանդիպում տեղափոխվել է։