Կորոնավիրուսն Անգլիայում անհավանական մակարդակի է. առաջնությունը պետք է դադարեցվեր․ Կոնտե

«Տոտենհեմի» գլխավոր մարզիչ Անտոնիո Կոնտեն կարծում է՝ Անգլիայի առաջնությունը պետք է դադարեցվեր երկրում կորոնավիրուսի համավարակի տարածման բարձր մակարդակի պատճառով։

«Կորոնավիրուսն Անգլիայում անհավանական մակարդակի է հասել։Կարծում եմ՝ առաջնությունը պետք է դադարեցվեր: Շատ մարդիկ փորձեցին խոսել այդ մասին, բայց կարծում եմ՝ ամեն ինչ արդեն որոշված է:

Երբ քո դիմաց պատ է, դու կարող ես վիճել, ապացուցել քո դիրքորոշումը և խոսել այն մասին, թե դու ինչ կցանկանայիր, բայց դա անօգուտ է: Բոլոր որոշումներն արդեն կայացված են»,- ասել է Կոնտեն:

Դեկտեմբերի 20-ին ԱՊԼ-ն հայտարարեց, որ չի դադարեցնի առաջնությունը: Հաղորդում է ArmSport.am-ը։