«Լիվերպուլը» դիտարկում է Սալահին շաբաթական կես միլիոն ֆունտ ստերլինգ վճարելու հնարավորութունը

«Լիվերպուլը» հույս ունի երկարաձգել պայմանագիրը եգիպտացի հարձակվող Մոհամեդ Սալահի հետ։ 29-ամյա ֆուտբոլիստի համաձայնությունը ստանալու համար անգլիական ակումբը դիտարկում է շաբաթական 500 հազար ֆունտ ստերլինգ (592 հազար եվրո) աշխատավարձ վճարելու հնարավորությունը, հաղորդում է ESPN-ը։

Եթե այս կետը հաստատվի, ապա Սալահը կդառնա այդքան բարձր աշխատավարձ ունեցող առաջին ֆուտբոլիստը Պրեմիեր լիգայի պատմության մեջ։

Ընթացիկ մրցաշրջանում Սալահը «Լիվերպուլի» հետ բոլոր մրցաշարերում մասնակցել է 24 հանդիպման, խփել 22 գոլ, կատարել 9 գոլային փոխանցում։

Սալահի գործող պայմանագիրը նախատեսված է մինչեւ 2023թ․ հունիս։