Մարգարիտա Սիմոնյանը քննադատել է կանանց, որոնք հայտարարում են ոտնձգությունների մասին

RT-ի գլխավոր խմբագիր Մարգարիտա Սիմոնյանը քննադատել է կանանց «Սեքսը մեծ քաղաքում» սերիալի աստղի` Քրիս Նոտի վերաբերյալ մեղադրանքների պատճառով․ դերասանը հայտնվել է աղմկոտ սկանդալի կենտրոնում։ Լրագրողն ընդգծել է, որ դեռասահության տարիքում երազում էր կուռքի հետ ծանոթության մասին։

«Միստեր Բիգը՝ իմ դեռահասության տարիների երազանքներից մեկը, 10 տարի առաջ ոտնձգել է ինչ-որ մեկի հանդեպ։ Թե՞ ոչ։ Ամեն դեպքում, հիմա արդեն դատական քննություն կլինի։ Իսկ գուցե բացատրե՞մ, թե ինչ է նշանակում «ոտնձգել է», եւ ինչով է դա տարբերվում «հոգ տանելուց»։ Օրինակ՝ տղան, որը քեզ դուր է գալիս, քեզ երեկույթի է հրավիրել, եւ դու գնացել ես։ Եվ դուք այնտեղ պարել եք, նա քեզ գրկել է, եւ եթե դու չես առարկել, ձեռքը դրել է ծնկիդ։ Եթե դու էլի չես առարկել, նա քեզ նաեւ համբուրել է։ Եվ եթե դու կրկին չես առարկել, նա, իհարկե, ականջիդ կամացուկ ասել է, որ հարեւանությամբ հյուրանոց կա, եւ այնտեղ համար է ամրագրված․․․ Դու կա՛մ համաձայնել ես, կա՛մ՝ ոչ՝ կախված նրանից, թե որքան լավն են եղել համբույրը, խոսակցությունը, պարն ու առհասարակ։ Իսկ երկու տարի անց դու ամուսնացել ես նրա հետ։ Կամ ոչ։ Բայց հիանալի հիշողություններ են մնացել։ Հնարավոր է, դա ավելի լավ է, քան «ամուսնանալը»։ Իմ դեռհասարության երազանքների տարիներին այդ ամենը կոչվում էր «հոգ տանել»։ Հիմա դրա համար դատում են։ Իսկ ինչպե՞ս են նրանք պատրաստվում սերունդներ տալ»,- կատակով նշել է RT-ի գլխավոր խմբագիրը։

Նախորդ շաբաթ The Hollywood Reporter-ը սկանդալային հոդված է հրապարակել, որում երկու կին հայտնի դերասան Քրիս Նոտին մեղադրել է սեռական բռնության համար։ Օգտագործելով Զոի եւ Լիլի կեղծանունները՝ նրանք մանրամասն ներկայացրել էին իրենց պատմությունը։