«Լիոնի» ֆանատները հարձակվել են «Փարիզի» երկրպագուների վրա, ներխուժել խաղադաշտ (Տեսանյութ)

Ֆրանսիայի գավաթի խաղարկության 1/32 եզրափակիչի հանդիպումը «Փարիզի» եւ «Լիոնի» միջեւ մնացել է անավարտ 1։1 հաշվի ժամանակ։ Ֆրանսիայի մայրաքաղաքում տեղի ունեցած հանդիպման ընդմիջմանը «Լիոնի» ֆանատները հարձակվել են «Փարիզի» երկրպագուների վրա, այնուհետեւ ներխուժել են խաղադաշտ, հաղորդում է Get French Football News-ը։ Երկրորդ խաղակեսը չի անցկացվել։

«Փարիզի» նախագահ Պյեր Ֆերաչին հայտարարել է, որ թույլ չի հանդիպման վերախաղարկում։

«Սա պետք է լիներ մեծ տոն, բայց ստադիոնում հայտնվել էին մի քանի անասուններ։ «Լիոնի» նախագահ Ժան-Միշել Օլյասը պետք է հանգստացնի իր ֆանատիկներին։

Մենք մտածում էինք, որ անվտանգության ուժերը կկարողանան կանխել այսպիսի միջադեպը։ Յուրաքանչյուրը պետք է կրի իր պատասխանատվությունը։

Ես թույլ չեմ տա, որ այս հանդիպումը վերախաղարկվի։ Միջադեպերը միշտ տեղի են ունենում նույն ակումբների հետ»,- ասել է Ֆերաչին։

Տեսանյութը՝ այստեղ: