Սոցիալական ցանցերը և միջին տարիքի ճգնաժամը

Ինչու՞ է TikTok-ը վրդովեցնում է մեծահասակներին

Բազմաթիվ ուսումնասիրություններ ապացուցել են, որ սոցիալական ցանցերում չափազանց շատ ժամանակ անցկացնելը վնասակար է զարգացման տարիքի երեխաների ուղեղի համար: Այնուամենայնիվ, նույնիսկ միջին տարիքի մարդիկ հակված են դեպրեսիայի՝ սոցիալական ցանցերի պատճառով: Հարվարդի համալսարանի հետազոտողները պարզել են, որ մեծահասակներն ավելի տխրում են, երբ օգտագործում են երիտասարդների նախընտրած հարթակները, ինչպիսիք են TikTok-ը և Snapchat-ը, գուցե այն պատճառով, որ դրանք ստիպում են նրանց ծեր զգալ:

Փախուստ դեպի սոցիալական ցանցեր

Գիտնականները հարցում են անցկացրել 5395 չափահաս ամերիկացիների շրջանում, որոնց միջին տարիքը 56 տարեկան է, երկու անգամ՝ 2020 թվականի մայիսին, իսկ հետո՝ մեկ տարի անց: Մասնակիցներին առաջարկվել է լրացնել հոգեկան առողջության վերաբերյալ 9 հարցից բաղկացած հարցաշար և նշել, թե սոցիալական մեդիայի որ հարթակներն են օգտագործել: Հետազոտության գլխավոր հեղինակ, պրոֆեսոր Ռոյ Պերլիսը NBC News-ին ասել է. «Մարդիկ, ովքեր օգտվում էին Facebook-ից, մարդիկ, ովքեր օգտվում էին TikTok-ից և այն մարդիկ, ովքեր օգտվում էին Snapchat-ից, ավելի հաճախ են ասել , որ հարցաշարը լրացնելիս որոշակի ճնշվածություն են զգացել»:

Հետազոտողները կարծում են, որ դեպրեսիայի հակում ունեցող մարդիկ ավելի հաճախ են օգտվում սոցիալական ցանցերից: Թերևս սա շատերի համար փախուստի միջոց է կամ մենակության զգացունը փարատելու տարբերակ: Պետք է նշել, որ հարցումն իրականացվել է կորոնավիրուսային համավարակի ժամանակ, երբ դեպրեսիայի մակարդակն այս կամ այն ​​կերպ բարձր է եղել։

Snapchat-ի պատճառով դեպրեսիայի զարգացման հավանականությունը մեծանում է 1.5 անգամ: Հաջորդում են Facebook-ը և TitTok-ը: Հիշեցնենք՝ հետազոտության մասնակիցների միջին տարիքը 56 էր: Հետազոտությունը բաժանվեց երկու խմբի՝ 35-ից բարձր և 35-ից ցածր օգտատերերի միջև: 35-ից բարձր մարդկանց մոտ դեպրեսիայի և Snapchat-ի ու TikTok-ի միջև կապն ավելի ակնհայտ էր, քան Facebook-ի մշտական օգտատերերի դեպքում: Միջին տարիքի Snapchat-ի օգտատերերը գրեթե 2 անգամ ավելի հավանական է, որ դեպրեսիա զգան իրենց հասակակիցների համեմատ, ովքեր չեն օգտագործում լուսանկարների փոխանակման հարթակը:

Սոցիալական ցանցերը ըստ տարիքի

Տեսություններից մեկի համաձայն, մարդիկ իրենց ավելի անհարմարավետ են զգում, երբ օգտագործում են սոցիալական այն մեդիան, որը չի համապատասխանում նրանց տարիքին: Snapchat-ը հիմնականում օգտագործվում է 35 տարեկանից ցածր մարդկանց կողմից, և TikTok-ի հիմնական օգտատերերն ավելի երիտասարդ են: Facebook-ում օգտատերերի թիվն ավելի շատ է ու տարիքային դիապազոնն ավելի լայն է:

Այնուամենայնիվ, որոշ գիտնականներ կարծում են,որ հետազոտության արդյունքները մակերեսային են , քանի որ չի հետազոտվել, թե ինպիսի բովանդակություն են դիտում տարբեր տարիքային խմբի մարդիկ: