Կորոնավիրուսի «օմիկրոն» հիմնամանրէն արդեն Ռուսաստանում է. ռուս սենատոր

Կորոնավիրուսի՝ աֆրիկյան «օմիկրոն» հիմնամանրէն արդեն Ռուսաստանում է, դրա տարածման աղբյուրը կարող են լինել ռուս զբոսաշրջիկները, որոնք այցելել են Եգիպտոս, ասել է սենատոր Վլադիմիր Կրուգլին։

ՌԴ վաստակավոր բժիշկը կոչ է դադարացնել թռիչքները Արաբական Հանրապետության հետ, քանի դեռ չի ուսումնասիրվել «օմիկրոն» տարբերակը, գրում է «ՌԻԱ Նովոստի»-ն։

Մի քանի օր առաջ գիտնականները հայտնել են, որ Բոտսվանայում և Հարավային Աֆրիկայում հայտնվել է կորոնավիրուսի B.1.1.529 հիմնամանրէն, որը S-սպիտակուցում պարունակում է 32 մուտացիա։