Ադրբեջանը փորձում է Ռուսաստանին մեղադրել սեփական բանակում կատարված հանցագործությունների մեջ

Ադրբեջանը փորձել է Ռուսաստանին մեղադրել սեփական բանակում կատարված հանցագործությունների համար: Քաղաքական մեկնաբան Արաստուն Օրուջլուն եզրակացության է հանգել, որ իբր Ռուսաստանը ներգրավված է ադրբեջանական բանակում բազմաթիվ հանցագործությունների մեջ՝ կիսվելով այդ մասին լրատվամիջոցներին տված հարցազրույցում։

Ավելի վաղ ադրբեջանական լրատվամիջոցները հայտնել էին Ղարաբաղյան երկրորդ պատերազմի ժամանակ եւ դրանից հետո որոշ զինվորականների անգործունակության համար քրեական գործեր հարուցելու մասին՝ սոցցանցերում տեսանյութերի եւ լուսանկարների չարտոնված հրապարակման կապակցությամբ:

Ծավալուն հարցազրույցում քաղաքական մեկնաբանը ենթադրել է, որ զինծառայողների խիստ պատժի հետեւում կանգնած է ոչ թե բանակում կարգապահության ուժեղացումը կամ գաղտնիության որեւէ ռեժիմի պաշտպանությունը, այլ նշված ռազմական գործողությունների ձախողված կազմակերպման բացահայտումը։ «Խոսքը ոչ պրոֆեսիոնալիզմի այնպիսի մակարդակի մասին է, որը կարող են տեսնել ոչ միայն ռազմական փորձագետները, այլ նույնիսկ բանակում որպես շարքային ծառայածները։ Ուստի առաջին հերթին անհրաժեշտ է հետաքննել մեր զինծառայողներից յոթի զոհվածների մահվան, տասի վիրավորման պատճառները։ Այս բոլոր հարցերի շուրջ ես միանշանակ դիրքորոշում ունեմ, եւ բազմիցս բացահայտ արտահայտել եմ այդ դիրքորոշումը։ Որպես մարդ, ով խորապես ուսումնասիրել է բանակում տեղի ունեցողի բացարձակ մեծամասնությունը՝ սկսած 2009 թվականին Ռազմաօդային ուժերի հրամանատար գեներալ-լեյտենանտ Ռեյլ Ռզաեւի սպանության պահից մինչեւ վերջին իրադարձությունները, կարող եմ լիակատար վստահությամբ ասել, որ Ադրբեջանական բանակի դեմ տարիներ շարունակ կազմակերպված, սիստեմատիկ սադրանքներ են իրականացվում, որոնք իրենց բնույթով հիբրիդային պատերազմի նշաններ են հիշեցնում։ Ամենասարսափելին այն է, որ, թեեւ այդ մասին խոսում են տարիներ, ամիսներ շարունակ` պատմելով այսպես կոչված «Տերտերի գործով» հարյուրավոր զինծառայողների նկատմամբ կատարված ողբերգությունների ու վայրագությունների մասին, սակայն ՊՆ-ն քարի պես լռում է»,- ասել է նա։

Նրա խոսքով, այսօր արդեն միանգամայն ակնհայտ է, որ եթե ղարաբաղյան երկրորդ պատերազմից հետո «Տերտերի ջարդը» չվերադարձվեր օրակարգ, ապա մեկ այլ, էլ ավելի լայնածավալ «Տերտերի գործ» կիրականացվեր։ «Սակայն ռազմավարությունը նույնն է։ Ինչպես ասացի, ռազմավարությունն է՝ ջախջախել բանակը, նվազեցնել դրա մարտունակությունը, հաղթանակած բանակը պարտված կազմավորման վերածել։ Սա հիբրիդային պատերազմի բաղադրիչներից մեկն է»,- հայտարարել է նա։ «Կարող եմ թվարկել տասնյակ նման դեպքեր, որոնցից յուրաքանչյուրն առանձին-առանձին, իր բացարձակ մեծամասնությամբ, օրինականության եւ տրամաբանության նշաններ չունի, բայց եթե դրանք միասին վերլուծել, ապա երկրի համար վտանգավոր գործունեության հստակ հետքեր կարելի է տեսնել»,- կիսվել է մեկնաբանը:

«Նպատակն է ոչնչացնել ադրբեջանական պետությունը եւ դրա բանակը՝ կատարելով օտարերկրյա պետությունների հատուկ ծառայությունների կամ այլ մարմինների հրամանները, այս դեպքում՝ Ռուսաստանի։ Տերտերի հանցագործության եւ բանակի դեմ կատարված մյուս հանցագործությունների նպատակը մեկն է՝ ջախջախել բանակը, նվաստացնել ժողովրդին, հասնել իր ուժերի նկատմամբ հավատի կորստին, պարտվողական տրամադրություններ, ազգային թերարժեքության բարդույթ ներշնչել եւ դրանով իսկ սասանել Ադրբեջանական պետության հիմքերը»,- վստահ է Արաստուն Օրուջլուն:

«Ոչ վաղ անցյալում, երբ քննարկվում էին Ռուսաստանի երեք քրեակատարողական հիմնարկներում կատարված նմանատիպ հրեշավոր գործողությունների պատկերները, հաստատվեց, որ դրանք պատվիրված են ԱԴԾ գործակալների կողմից։ Այսինքն՝ ամեն մեկն իր ձեռագիրն ունի, իսկ Տերտերում տեղի ունեցածը Ռուսաստանի ձեռագիրն է։ Ուստի այս հարցը, առաջին հերթին, պետք է հետաքննեն երկրի անվտանգության մարմինները, սակայն դրա համար պետք է համապատասխան քաղաքական որոշում լինի։ Ըստ ամենայնի, նման որոշում չկա»,- ասել է նա։