Կուզբասի հանքավայրում տեղի ունեցած միջադեպից հետո անհայտ է 285 մարդուց 49-ի գտնվելու վայրը. մեկ մարդ է մահացել, երկուսի վիճակը ծանր է

Կեմերովոյի շրջանի Լիստվյաժնայա հանքավայրում բռնկված հրդեհից հետո 49 հանքափորների գտնվելու վայրը դեռ չի պարզվել, ենթադրաբար նրանք ինքնուրույն են դուրս գալիս, «Ինտերֆաքս»-ին հայտնել են հանքի տնօրինությունը:

«Թարմացված տվյալներով` տարհանվել է 236 մարդ, 49-ի գտնվելու վայրը հայտնի չէ։ Դուրս են գալիս»,- ասել է գործակալության զրուցակիցը։ Այսպիսով, հանքում եղել է ընդհանուր 285 մարդ։

Ավելի ուշ Արտակարգ իրավիճակների նախարարությունը հաստատել է 236 հանքափորների դուրս բերման փաստը։

Աղետների բժշկության մարզային կենտրոնի մամուլի ծառայությունից հայտնելեն, որ ծխոտման հետևանքով տուժել է 40 հանքափոր, նրանցից երկուսի վիճակը ծանր է։

Նշվել է նաև, հանքավայրում բռնկված հրդեհի հետևանքով մեկ մարդ է մահացել

«43 տուժածներ տեղափոխվել են հանքափորների առողջության պաշտպանության Կուզբասի կլինիկական կենտրոն։ 2-ը ծանր վիճակում են, 41-ը` թեթեւ եւ միջին ծանրության, 1 մարդ մահացել է»,-ասվում է հաղորդագրության մեջ։