Ալեքսանդր Մասլյակովը պատմել է 2014 թվականին այրված հուշագրությունների մասին

ԿՎՆ-ի հաղորդավար Ալեքսանդր Մասլյակովը խոստովանել է, որ 2014 թվականին այրել է իր նոթատետրերը, որոնք հետագայում կարող էին հուշագրություններ դառնալ։ Այս մասին նա պատմել է իր հոբելյանի նախօրեին ՏԱՍՍ-ին տված հարցազրույցում։

«Կար ժամանակ, երբ ես գրառումներ էին կատարում, օրագիր էի պահում։ Եվ հետո ինչ-որ պահի որոշեցի կարդալ դրանք եւ ամեն ինչ այրեցի։ <…> Մի քանի տարի առաջ: 2014 թվականին կամ մի փոքր ուշ։ Բանաստեղծությունների էի հորինում, ավելի ճիշտ՝ փորձում հորինել։ Եվ հանկարծ հասկացա, որ ոչ ոք չի կարդա։ Ես Պուշկինը չեմ։ Եվ ոչ էլ Գոգոլը: Նոթատետրերը տարա ամառանոց եւ այրեցի»,-պատմել է նա։

Մասլյակովի խոսքով՝ ինքը որոշում է կայացրել ազատվել ձեռագրերից, քանի որ չի տեսել դրանց արժեքը ո՛չ իր, ո՛չ իր շրջապատի համար։ «Դե, իսկապես, դա ոչ մեկին պետք չէր: Այո, կյանքի որոշակի փուլում ցանկություն է առաջացել խոսել ինքս իմ հետ, ինչ-որ բան հիշել, ինչ-որ բան հասկանալ: Հոգիս բացեցի, բայց ինչո՞ւ պահեմ։ Կամուրջներն այրվել են»,-եզրափակել է նա։

Նոյեմբերի 24-ին Մասլյակովը նշում է իր տարեդարձը․ լրանում է նրա 80-ամյակը։