Samsung Galaxy S21 FE-ը հայտնվել է գովազդային պատկերներում

Համեմատաբար մատչելի Samsung Galaxy S21 FE առաջատար սմարթֆոնը, որն ի սկզբանե պետք է թողարկվեր օգոստոսին, այժմ սպասվում է հաջորդ տարվա սկզբին։ Հարավկորեական տեխնոլոգիական հսկան մոտեցել է նրան, որ սարքը չարտադրվի, սակայն դրա մասին խոսակցություններն ու արտահոսքերը կրկին ակտիվանում են: Այժմ համացանցում են հայտնվել Galaxy S21 FE-ի պաշտոնական մարքեթինգային պատկերները եւ ամբողջական բնութագրերը, հայտնում է 3dnews.ru-ն՝ հղում անելով phonearena.com-ին:

Հաղորդվում է, որ Galaxy S21 FE-ն հասանելի կլինի ինչպես Samsungի ֆիրմային Exynos 2100 չիպսեթով, այնպես էլ Qualcomm Snapdragon 888-ով: Երկու դեպքում էլ սարքը կկարողանա օգտվողներին առաջարկել մինչեւ 12 ԳԲ օպերատիվ հիշողություն եւ մինչեւ 256 ԳԲ պահեստային հզորություն:

Սմարթֆոնը կստանա 6,4 դյույմանոց AMOLED վահանակ՝ Full HD+ թույլտվությամբ եւ մինչեւ 120 Հց թարմացման արագությամբ։ Էկրանը կծածկվի Corning ապակիով։ 32 ՄՊ դիմային տեսախցիկը կտեղակայվի փոքր կլոր կտրվածքում:

Ենթադրվում է, որ եռակի հիմնական տեսախցիկը բաղկացած կլինի հիմնական 64 մեգապիքսելանոց սենսորից, գերլայնանկյուն մոդուլից եւ խորության սենսորից։

Samsung Galaxy S21 FE-ն կստանա 4500 մԱ/ժ հզորությամբ մարտկոց՝ 15 Վտ լիցքավորման աջակցությամբ։ Սնուցման եւ ձայնի ստեղները կտեղակայվեն կորպուսի աջ կողմում, իսկ USB Type-C պորտը եւ բարձրախոսները՝ ներքեւում:

Ենթադրվում է, որ սմարթֆոնը կվաճառվի Android 11-ով, չնայած Samsung-ն այս ամսվա վերջին կամ հաջորդ ամսվա ընթացքում կսկսի կայուն Android 12-ի թողարկումն իր սմարթֆոնների համար:

Ըստ առկա տեղեկությունների՝ Galaxy S21 FE-ը շուկա դուրս կգա սպիտակ, բաց մանուշակագույն, բաց կանաչ եւ սեւ գույներով: Սարքի արժեքը դեռ չի հաղորդվում։ Տեղեկություններ կան, որ Galaxy S21 FE-ը կվաճառվի միայն Եվրոպայում։