Պեկինի գլխավոր օլիմպիական ավանը պատրաստ է շահագործման

Պեկին-2022 կազմկոմիտեն հայտարարել է ձմեռային օլիմպիական խաղերի գլխավոր ավանի նախապատրաստական աշխատանքների ավարտի մասին։ Բնակելի տարածքը 330.000 քառակուսի մետր է: Մասնակիցները կտեղավորվեն 20 շենքերում։ Սենյակների ջեռուցման և օդորակման ժամանակակից համակարգերը հնարավոր կլինի կառավարել սմարթֆոնով։

Օլիմպիական ավանում կգործեն հատուկ ավտոբուսներ, իսկ ռոբոտները կկատարեն դռնապանի, հավաքարարի դերը և կառաջարկեն տարբեր խմիչքներ։ Այդ տեխնոլոգիաներն արդեն փորձարկվել են: Ավանում շուտով կկատարվեն նաև կորոնավիրուսի դեմ միջոցառումներ: Ավանի պաշտոնական բացումը տեղի կունենա 2022թ. հունվարի 27-ին։

Պեկինի 24-րդ ձմեռային օլիմպիական խաղերը կանցկացվեն 2022թ. փետրվարի 4-20-ը, իսկ պարալիմպիկը՝ մարտի 4-13-ը։