Թուրքական լիրան նոր ռեկորդային ցածր ցուցանիշ է գրանցել

Թուրքական լիրան դոլարի նկատմամբ նոր պատմական նվազագույնի է հասել այն բանից հետո, երբ ԱՄՆ-ում սպասվածից լավ գնաճի տվյալները սրեցին թուրքական արժույթի հետ կապված մտահոգությունները, որոնք արդեն իսկ տուժել են կենտրոնական բանկի դրամավարկային քաղաքականությունից, հաղորդում է Reuters-ը:

Գրինվիչի ժամանակով ժամը 05:15-ին լիրայի փոխարժեքն ԱՄՆ արժույթի նկատմամբ կազմել է 9.9050՝ գերազանցելով 9.91-ի նվազագույն մակարդակը եւ 0.6 տոկոսով ցածր է, քան փակման ժամանակ: Այս տարի թուրքական արժույթը կորցրել է իր արժեքի մոտ 25 տոկոսը։

ԱՄՆ-ի գնաճի տվյալները բարձրացրել են դոլարի փոխարժեքը, քանի որ ներդրողները մտածում էին Դաշնային պահուստային համակարգի քաղաքականության հնարավոր խստացման մասին: ԱՄՆ-ում տոկոսադրույքների բարձրացումը, որպես կանոն, Թուրքիայի նման արտաքին բարձր պարտք ունեցող զարգացող տնտեսություններից միջոցների արտահոսքի է հանգեցնում: