ՀՀ գլխավոր հարկադիր կատարող Սերգեյ Մեղրյանը 5 օրով գործուղվում է Դուբայ

ՀՀ վարչապետ Նիկոլ Փաշինյանի որոշմամբ ՀՀ գլխավոր հարկադիր կատարող Սերգեյ Մեղրյանը գործուղվում է Արաբական Միացյալ Էմիրություններ:

Որոշման մեջ ասվում է.

«Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի՝

1. Հայաստանի Հանրապետության գլխավոր հարկադիր կատարող Սերգեյ Մեղրյանին 2021 թվականի նոյեմբերի 22-26-ը գործուղել Արաբական Միացյալ Էմիրություններ (Դուբայ)` Դատական կատարողների միջազգային միության Կոնգրեսին և Մշտական խորհրդի լիագումար նիստին մասնակցելու նպատակով:

2. Սերգեյ Մեղրյանի՝ Արաբական Միացյալ Էմիրություններ (Դուբայ) գործուղման հետ կապված ծախսերը և «COVID-19» ՊՇՌ նմուշառումների վճարները կատարել Հարկադիր կատարումն ապահովող ծառայության պահպանման ծախսերի հաշվին։

3. Հայաստանի Հանրապետության արդարադատության նախարարին` ապահովել գործուղումից վերադառնալուց հետո եռօրյա ժամկետում Արաբական Միացյալ Էմիրություններ գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը։