Յուրգեն Կլոպ․ Ես չեմ արդարանում, բայց մրցավարը պետք է նորմալ որոշումներ ընդունի

Անգլիական «Լիվերպուլի» գերմանացի գլխավոր մարզիչ Յուրգեն Կլոպը մեկնաբանել է «Վեստ Հեմից» Լոնդոնում կրած 2։3 հաշվով պարտությունը։

«Առաջին գոլը «Վեստ Հեմը» խփեց դարպասապահի դեմ խախտումից հետո։ Ինչպե՞ս կարող է Ալիսոնը վերցնել գնդակը, եթե մրցակցի ձեռքը խանգարում է նրան։ Դա տարօրինակ է։ Ես չեմ արդարանում, բայց մրցավարը պետք է նորմալ որոշումներ ընդունի։

Հետո մենք վերականգնեցինք հաշվի հավասարությունը եւ ամբողջովին վերահսկում էինք խաղը, իսկ մրցակիցը միայն հակագրոհում էր։ Երկրորդ խաղակեսում այդքան էլ լավ չխաղացինք։

Ցանկալի կլիներ, որ մեր խաղացողներն ավելի սառնասրտորեն իրացնեն իրենց պահերը։ Մենք երկու անգամ գոլ բաց թողեցինք ստանդարտ դիրքերից հետո»,- Կլոպի խոսքը մեջբերում է BBC-ն։

Այդ հաղթանակից հետո «Վեստ Հեմը» 23 միավորով հավասարվեց երկրորդ տեղում ընթացող չեմպիոն «Մանչեսթեր Սիթիին» եւ երրորդն է։ «Լիվերպուլն» ունի 22 միավոր եւ չորրորդ տեղում է։ Առաջատար «Չելսին» վաստակել է 26 միավոր։

Անգլիայի առաջնություն, 11-րդ տուր

«Վեստ Հեմ» - «Լիվերպուլ»՝ 3։2 (տեսանյութ)

Ալիսոն Բեքեր, 4, ինքնագոլ, Պաբլո Ֆորնալս, 67, Կուրտ Զումա, 74 - Տրենտ Ալեքսանդր-Առնոլդ, 41, Դիվոկ Օրիգի, 83